(( هذا جنوب العز ))

[البهيشي]

شاعر جنوبي يتنفس عن غضبه بهذه القصيدة تجاه شاعر أساء إلى أهل الجنوب

[/color]
(**هــذا جـنـوب الـعـز **)=

أقول يا من صاب عقله هبالي= يومك وصفت أهل الجنوب أنت غلطان
رميت رمية مثل رمي الخطالي= وأخطيت بالرمية ولا صبت نيشان
ما تدري أنه عيب شتم الرجالي= اللي على كسب الطويلات شجعان
والله ما يقبل كلامك شمالي= يدري بعادات القبايل والأعيان
ما أدري على ويش الكبر والتعالي= ياشاحذ الأموال من كل سلطان
فقران تشحذ درهمه والريالي= متسول وتقول يا ناس جوعان
ليتك سكت وكنت لاهي وسالي= لكن على نقصك تبي زود نقصان
جنوبنا في كل شي مثالي= دار الشرف والجود من سالف أزمان
وأحنا الجنوبيين عز وجلالي= ترخص دمانا ما نساوم بالأوطان
بالعلم والتدريب طلنا المعالي= فالهندسة والطب والجيش مليان
والشعر فينا له حضور ومجالي= عرضة و ردية و طاروق و ألحان
أبدى من الطايف و أشد الرحالي= من باحة الأبطال غامد و زهران
والجو في سبت العلاية صفا لي= بأهل الشيم بلقرن و خثعم و شمران
و أحلى المناظر بالنماص الخيالي= موطن رجال الحجر لابة و شيخان
وعند أهل بيشة جود من تمر حالي= أكلب و بلحارث و صبيان شهران
و ابها تباهت بأهلها والجمالي= عسير و أصحاب النواميس قحطان
و الفزعة اللي كم تشد أنذهالي= فزعات يام أهل الشهامة بنجران
و أحسب و لا أنسى لو يطول أنشغالي= أهل القضا والفقه أشراف جازان
و اللي نشد عني و عن وصف حالي= خذ الخبر ما دمت واله و شفقان
أنا من آل عبيد عمي و خالي= بلقرن لي عزوة و مرجع و عنوان
دون الجنوب أفقد جميع أحتمالي= و أثور من أجله كما ثور بركان
دام الحمية عندنا ما نبالي= لو صار في ذا الوقت رجفه و ميلان
هذا جنوب العز ماضي و تالي= لو تحقره يا اللاش عالي و لا هان
و الختم أبي تقرا و تفهم مقالي= إن كنت للمعنى نبيه وفهمان
خل المهأيط و الكبر و التعالي= و أحذر تسب أهل المراجل بنقصان
***& ***& ***& ***& ***& =

[فصل الخطاب]

يا البهيشي
الله يوفقك آآآآآآآآمين يا رب
هذه القصيدة جميلة
تقبل مروري

[فارس رجال الحجر]

قصيدة جميلة بيض الله وجه الشاعر

[البهيشي]

فصل الخطاب

فارس رجال الحجر


حياكم الله وأشكركم جزيل الشكر على المرور



لكم جزيل الشكر وأرق التحايا

[علي سالم الشهري]

بيض الله وجهك يالبهيشي وأرجو أن يتسع صدرك للتصحيحات والتعديلات التي أجريناها على الترويسه في أعلى القصيدة والتعليقات مع قبول ودي وتقديري ......

[فصل الخطاب]

يا الربع الرجال ما قال شيء
وكل اللي قاله (لا يوجد فالجنوب شعر)
وبعد ذلك قدم أعتذاره في قصيدة جميلة لجميع اهل الجنوب
وسوف أوردها لكم هنا لا حقاً
وسعوا صدوركم شوي الله لا يهينكم
تقبلوا أعذب المنى

[البهيشي]

أنت استاذي يا أبوبدر ومنك أتعلم وأستفيد


والله يعطيك العافيه على هذا المجهود الرااااائع بالفعل


الله يجملنا ونردها لك يا أبو بدر



وبالنسبه للقصيـده إلي طرحها ياسـر على مقطع جوال . وهي أعتذار لأهل الجنوب . ما جات إلا بـعد ما إندق خشمه .. وقد جرى معه لقاء مع مذيع يضرب تحت الحزام . فجرى بينهم حوار يدل على أن ياسر لم يكن كفؤ لمى قاله . .
وبعدين إن تكلم ياسر أو غيره من الشعراء أو غيرهم فوالله مايقلبو حيد . هذولي مثل إلي يخبط يده في الما

والله ودي أتكلم إلى بكره لكن بنشحمها






لكم خالص ودي وإحترامي

[علي سالم الشهري]

يا الربع الرجال ما قال شيء
وكل اللي قاله (لا يوجد فالجنوب شعر)
وبعد ذلك قدم أعتذاره في قصيدة جميلة لجميع اهل الجنوب
وسوف أوردها لكم هنا لا حقاً
وسعوا صدوركم شوي الله لا يهينكم
تقبلوا أعذب المنى

شكرا لتعليقك ومرورك .... يابوأحمد

[صبي شهر]

][`~*¤!||!¤*~`][صح لسانك][`~*¤!||!¤*~`][