جديد بن فطيس

[البهلول]

جديد بن فطيس=
كهربتني بالعين=
ياللي دخلت السووق وقف بحاكيـك=وش ذا العيون اللي تسوي سوايـا
كهربتنـي بالعيـن الله يجـازيـك=نظرات شلت في ضميـري خلايـا
لولا فيوزٍ وسـط قلبـي توماتيـك=ماكان عيّـن مـن فـؤادي بقايـا
يفصل الا من شاف هذي وهاذيـك=صادف مواقف من بنـات القرايـا
قالت تحمـد يـوم ربـي منجيـك=ولا توقـف فـي طريـق الصبايـا
قلت الصبايـا والمزاييـن تفديـك=ماشفت عينك فـي جميـع البرايـا
قالت هذي عيني عسى الله يقويـك=وشلون لو بتشوف باقـي المزايـا
لكن مادامك مومن القلـب بسويـك=رح في طريقـك والنوايـا مطايـا
لا ترى بتعبـك واعلـن تحديـك=واشـوف قلبـك بيتحمـل حلايـا
قلت اسمعي:وان فزت..قالت: بكافيك=على حسابـي مـن محـل الهدايـا
بس انتظر لحظه بسيطـه وارويـك=ثم اظهـرت ثغـرٍ زهتـه الثنايـا
قلت انتبـه ياقلـب منهـا توطيـك=واسمع صداه يصيح خلف الحنايـا
ثم انفجر جـد الفيـوز التوماتيـك=واقفت وانا اجمـع بقايـا الشظايـا

[علي سالم الشهري]

شكرا لك أبو عبد الله على النقل وتقبل تحياتي واسمح لي نسقت القصيدة

[إبن سعيّد]

لولا فيوزٍ وسـط قلبـي تومـاتيـك***ماكان عيّـن مـن فـؤادي بقايـا
يفصل الا من شاف هذي وهاذيـك***صادف مواقف من بنـات القرايـا
قــالت تحمـد يــوم ربي منجيـك***ولا توقـف فـي طريـق الصبايـا

استاذنا الغالي الله يعطيك الف عافيه
وصح لسان الشاعر إن فطيس المري
واعجبتني القصيده كامله و لكن لفتت نظري
هذه البيتين لما كان فيها من التصوير العجيب والرائع
تقبل مروري وخالص شكري وتقديري