قصيدةلشاعر حمدان القاسمي الشهري((طفح الكيل))

[صبي شهر]

الآ . يا زمانٍ فيه بانـت طفـوح الكيـل
زمانٍ عجزنا نعرف السـر . فـي كيلـه
مكاييل جور وزادة طفوحها بـا الحيـل
ولا عاد لأهـل العـدل حيـلاً ولا حيلـه
ثقايل (ليا) ثبّتها علـى الشـداد تميـل
يسار الجمـل والا يمينـه تـرى ميلـه
اثار السبب في سوء تقدير هـذا الجيـل
لحسبة سجايا مـن يقـدم علـى جيلـه
فصار الثري محبوب لو. هو شحيح بخيل
يحبوه لو . يمناه بـا الواجـب بخيلـه
وراعي المناصب لو. يكن هيّـن وذلّيـل
يقـدم علـى ذربـان مـا هـم بذلّيلـه
وصار الكذوب مزين الهرج با التهويـل
يصدّر في المجلـس ويعجـب بتهويلـه
وناسٍ رعاع تكايـل المـدح والتبجيـل
لمن لم يقـدم شـيء يدعـي لتبجيلـه
زمان التشوه ركّب على الرقـاب الذيـل
وراس الأسد خـلاه يومـي بـدل ذيلـه
وراح الزمان اللي به الحكم (ف) التفضيل
لمن يجمع اهل الرئي في حكم تفضيلـه
زماناً مضى وقته بنى مجده . رجاجيـل
ومجد الزمن يبنـى بأيـادي رجاجيلـه
رجال الفعايل ما هم رجـال قـال وقيـل
يوم ان الفتى فعله يصادق علـى قيلـه
هذاك الزمن عادل في الجـرح والتعديـل
ولا يسبق المجروح . مـن تـم تعديلـه
ومن يأخذ الأحكام مـن محكـم التنزيـل
عرف منهج التفضيل في حكـم تنزيلـه

[علي سالم الشهري]

بيض الله وجهك وان اشهد أنك مبدع بكل ما تعنيه الكلمة ياحمدان القاسمي

[صبي شهر]

شكرأ لك على المرور الرائع

[أبو سلمان]

صح لسان الشاعر حمدان القاسمي
قصيدة رائعة

ولا هنت على هذا النقل

[صبي شهر]

ولا انت شكراًلك عاى المرور الرائع