الله اقــــــــــوى &&

[صبي شهر]

لشاعر: محمد الدحيمي الشهري



احمد الله ..واذكره .. واستشعر الكون بجلاله

________________________ ثم اصلي عـ النبي محمد الهادي رسوله


يـــاسلام الله لحامي الشعر .. مرقاب الجماله

_______________________شاعرٍ لو شح وقتي جيت ابستسقي هطوله


جيت ابستسقي غيـــاث الشعر واستعذب خياله

________________________ في ديارن مالها عرشٍ ولا سلطان دوله


شــــــاعرٍ غـــافله دربه .. لين حطت به رحاله

_______________________في ديارن ماتعرف اللاش من ولد الحموله


طبت ياشعرٍ ترد الــــــــلاش.. تبّــــــاع الحثاله

_______________________مثل ما طابت بعيني شوفة المزن وسيوله


شــــــاعرٍ غنـت بطيبه.. فـــوحت البن ودلااله

_______________________شاعرٍ ما هزه اللي هرجته تخزي الرجوله


ارتضيت بحكمتي .... واقفيت مــا ودي جداله

_________________________ والا انا لاثارت العميا تنكس به خيوله


مـاذخرت الشعر لجله .. يحشم الشعر وكماله

______________________ واهب شعري لعينا من خذا في المجد صوله


لايحسب الشعـــر فيني قــد تطوتني حباله

_________________________لاعلي النذر لكن صارت اقلامي ملوله


مابطابي الشعر عجز .. ولكن ابطت به جزاله

_______________________ يوم غيري يكتبون الشعر بأنفاسٍ عجوله


قد وردت البحر يومه.. مـــــاقدر يمشي بجاله

________________________ قد صدرت وجامع له بين مرجانه ولوله


عـــزتي للي حــــــدوه القرب في وادي ٍ لحاله

_______________________ وهملوه اعيال عمه غبن واستاقوا ذلوله


وعزتي للي طـــــــــواه الضيم في غفلة عياله
________________________ طاح في شيب الزمان ولالقى منهو يعوله


الله اقوى يــــــازمنّا .. صارت اعلوم الرجاله

______________________ كلمتين من البداوه . شعر. واعلام ومقوله


جيت اغني في زمــــــان ٍ يكسي الهافي جماله

_______________________ في زمــانٍ مايعرف اللاش من ولد الحموله

http://www.shehr.net/vb/shehrNewVb/statusicon/user_offline.gif