ليلة الفرقا

[صبي شهر]

لشاعر: محمد الدحيمي الشهري

بالله ياليلة الفرقا تعديني "
.........."روحي لغيري وخليني على فالي
مدام لي قلب باللهفه مخاويني "
.........." والله ياحزتك ماهيب في بالي
جيتي تهادين ونجومك تباريني "
.........." ماكن لي درّتن يرخص لها الغالي
الا..تعالي بقلك وش معنيني "
.........." واللي مخلي ليالي الحب غربالي
هذاك ترفٍ سكن بأقصى شراييني "
.........." حتى غدت له عروش القلب منزالي
واسرف بحسنه علّي وقلت يكفيني "
.........." اني اشوفه لياحنيته قبالي
اللي ليامن زعل طيشه يعريني "
.........." واليا رضى كنه يجدد بي آمالي
واليا تبسم يعرف اشلون يغريني "
.........." واليا خدر كنها عيونه تحرالي
يسقيني الشهد واظما لين يرويني "
.........." ياماحلا لاارتويت المنبع الحالي
لبا الرغد والليان اللي ملا عيني "
.........." للي غدا في براح الصدر يختالي
لولاه منهو عن الغربه يسليني "
.........." ولولاه ماكنت اميّز بين عذالي
مرت سنيني وهو بالحب مشقيني "
.........." ومرت سنينه وانا في قلبه لحالي
الين جارت سنينه فيه وسنيني "
.........." وكلٍ غدا عن خويه دالهٍ سالي
لولا الحظوظ الرديه كان يمديني "
..........." اني اعيش اللقا من اول وتالي
هذي علومي وستر الله مغنيني "
.........." مدام قلبي على الفرقا تهيالي
بالله ياليلة الفرقا تمريني "
.........." يمكن على ايديك اشوفه واقف قبالي

http://www.shehr.net/vb/shehrNewVb/statusicon/user_offline.gif