قصيدة لشاعر:محمد الدحيمي (( السرير الأبيض))

[صبي شهر]

لعن ابوه الشعر كانه بـس فـي شقـر الذوايـب
لعن ابـوه ان كـان قاصيـه الغـزل والنرجسيـه
يايبه .. والهاجس اللي كان مخطـي جـاك تايـب
إغتسل من نزعة ذنوبه .. وتـاب مـن الخطيـه
يالحقوق اللي سنا برقـه فتـق صـدر السحايـب
يالبياض .. اللى غفـر كـل الذنـوب السرمديـه
يوم شفتك بالسرير الابيض عـن الوعـى غايـب
كل عرقِِ صاح فينـي جعـل هـاك الضيـم فيّـه
آه ليـت الضيـم رجـالِِ واشـد لـه الركـايـب
والله انّـي ل نحـره وآورده حــوض المنـيـه
ياعسي نذلِِ هقي بـك يرجـع .. بهقـواه خايـب
ضايـعِِ مثـل القحـم لاهـو ربـاع .. ولا ثنيّـه
قلت لى مره.. ترى النشمـي ليـا خـاواه عايـب
مثـل دهـن العـود لا خالـط رمـاد الشاذلـيّـه
ودامني .. رجلِ خرج من بين صلبـك والترايـب
والله ..ان يبطي القـدم مـا يمشـي دروبِِ رديّـه
يايبه .. ودحيـم تنشـد ويـن حـلاّل النشايـب ؟
راس قـومِِ جالهـا .. مـن القيـظ مقيـالِِ وفيّـه
يابعد .. راسي وروس .. احبابي وكـل القرايـب
يابعـد مـن زّهـب المجنـد ولبـس الحضرميّـه
قم !! دخيلك عقبك الديـره غـدت جـردِِ خرايـب
عّجها ..غطّـي سماهـا .. وستـوت بالمهمهيّـه
كلمتيـنِِ فـي شفاتـي حايـره راحـت ذهـايـب
ماقوت .. تعبيرهـا كـل الحـروف .. الابجديّـه
اخدعتني .. بكـرةِِ ماهـي مـن ابكـارِِ نجاايـب
ولا غفـالِِ وصفهـا عنـد النّبـيـه ولا مطـيّـه
درهمت بي .. في دجي ليلِِ نهب شوفـي نهايـب
ويوم افيق .. الاّ وانـا بأحضـان قفـراً جرهديّـه
واتركتني .. ظامـيِِ والمـاى للقيـض الزهايـب
واغبنتنـي يـوم .. هجّـت بالقلـص والزمزميّـه
يايبه .. وان قصرت ايديني .. ودارت بي المصايب
ب ارمي اعذاري علـى الغربـه وقـلّ المقدريّـه
هاجسي .. المذنب رجع دمعة طفل بعيـون شايـب
وإغتسل .. من نزعة ذنوبه وتـاب مـن الخطيّـه