قصيدة لشاعر:حمدان القاسمي((يا وجودي ))

[صبي شهر]

يهجع الناس وانا والقوافي سـواري
مرةً تسرح افكـاري ومـره تعـودي
كل ما قلت ابا. اريّح طرى لي طواري
روّح الليل وانا يا وجودي وجـودي
يا وجودي على شوفة غزال البراري
الغزال الذي من شوف ظله شـرودي
لاتذكرت زوله صـار ليلـي نهـاري
كن في قلبي الخفاق شبـة وقـودي
خايفاً (لا) تعرّضه السباع الضـواري
ثم تتبدد احلامي وينهـى صمـودي
اشهد انه سلب عقلي وغيّر مسـاري
وانه اللي ملى عيني جمالـه وزودي
اتمنى يجي يومـاً يشـرّف لـداري
حينها تبدل احزاني بشوفه سعـودي
اتحرّاه حتى لـو يطـول انتظـاري
المهم انه بوصلـه علينـا يجـودي

[خالد الوليدي]

صح لسان الشاعر حمدان القاسمي ..وقصيده رائعه جدا جدا ..

اتحرّاه حتى لـو يطـول انتظـاري
........................المهم انه بوصلـه علينـا يجـودي

سلمت يمينك يا صبي شهر ويعطيك الف عافيه ..

[صبي شهر]

الله يسلمك شكرأ لك على المرور الرائع