رد الشهري والعمري على الشاعر فيصل الرياحي

[الجنرال]

هذه قصيدتين للشاعرين / فهد بن حمود الشهري

وللشاعر الملقب (بيت القصيد) من بني عمرو

وهي ردا على قصيدة الشاعر فيصل الرياحي عضو لجنة التحكيم في شاعر المعنى

والتي ذكر فيها جميع قبايل الجزيرة وترك متعمدا قبيلة بني شهر وبني عمرو

قال الشاعر الشهري:

يا اللي كتبت الشعر غاوي وساهي
اشرب دلال البن الأشقر وشاهـي
تصحا بعقلك وتكتب القاف راهـي
تكتب ولا تنسـى قبايـل وبلـدان

* * *
الشاعر الماكن على كل محـراف
ينظم بيوت الشعر ما عاقه القـاف
ومثلك يعرف الحق والحق ينشاف
والعذر ما يمشي على كل فهمـان

* * *
ان كنت من الجهـال والله كبيـرة
في حق شاعر من كبار الجزيـرة
عموما ً إسمعني وعينـك بصيـرة
وأخبرك بأمجاد ربعـي بالإحسـان

* * *
حنا (دول شهرين) قـوم الجمايـل
مثل الجبـال الشامخـة والهوايـل
تشهد لنـا بالطيـب كـل القبايـل
قوم ٍ لنا في صفحة المجد عنـوان

* * *
حنا سباع الـدم يـا مـن نشدنـا
نحمي حدود الدار ما قـد سهدنـا
سـراة وتهامـة وبيشـة بلـدنـا
والخير عم الأرض في كل الأزمان

* * *
نسيت فعل جدودنـا قبـل قرنيـن
نهار واجهنا جيـوش السلاطيـن
وجدك بوسط البر يرعى البعاريـن
وغزواتكم من شان ناقة وخرفـان

* * *
الترك جونـا بالقبـس والمدافـع
رمـاح ردتهـم وسيـف ونوافـع
وقمع البنادق من على الوجه صافع
يصلون نار ٍ مثل نيـران بركـان

* * *
يوم الحروب الطاحنـة والمعـارك
جيوش إبني شهر فيهـا تشـارك
دون عسير الهـول كنـا جمـارك
عدونـا نشبعـه ذل ٍ وخـسـران

* * *
يوم بن دهمـان قايـد ٍ للكتايـب
أمير فـارس مايهـاب الصعايـب
على ظهور الخيل يروي الحرايـب
بطولته في الحرب شابت بشبـان

* * *
شيوخنا عز العرب نور وسـراج
العسبلي والصيت ذايـع بالأفـلاج
وآل الشبيلي مجد بلسـان هـراج
مثل السيول الجارفة وسط وديـان

* * *
في وقتنا الحاضر بني شهر أعلام
دكاتره وجنـود وشيـوخ إسـلام
وأساتذه وضبـاط وتجـار وكـرام
يكفيك كلية علـي بـن سليمـان

* * *
واليوم تفدا الروح بيت السعـودي
دون الوطن نرخص دمانا ونذودي
ونصرم رقاب مضيعين العهـودي
ماهمنا في الدين خايـن وشيطـان

* * *
تشهد لنا أمريكا وبـرج التجـاره
أغمارنا هلـوّا ركونـه وجـداره
وبـوش يبكـي حالتـه واندثـاره
يبكي كما تبكي عجايـز ونسـوان

* * *
هذي علومـي ياصبـي البقومـي
أمجاد ربعـي وافيـة بالسلومـي
أبيك تحفظهـا براسـك تحومـي
من سبنا بيزيدنـا قـدر وعرفـان


وهذه قصيدة العمري وهي على نفس قاف قصيدة الرياحي:

بسـم الله ابـدا نظـم قافـي علـى قـاف
قاف(ن) وصل من شاعر(ن) دون الاعراف
و الي حدى في ماضي الوقـت الاشـراف
سيـان بلـي حدنـي الحـيـن سـيـان
*************
من غير نقـص(ن) فـي جميـع القبايـل
لكـن نبغـى يعـرف اهــل الغـلايـل
بنـا رجـال المـدح واهــل الجمـايـل
محـن بحاجـة مدحـة افـلان وفــلان
*************
حنـا بنـي عمـرو الهـول يـا مهابـيـل
لنـا فـي التاريـخ بــاب و مداهـيـل
عل الموت لا جـى المـوت حنـا مقابيـل
و الموت حنـا وانشـدوا بـاب الازمـان
*************
البـاشـه اسقيـنـاه دمــه بفـنـجـال
و جيوشـه الـي كلهـم زمـرة انــذال
كلـن لفتلـه موتـتـه حــال بالـحـال
خصامـنـا عيـنـه تكـحـل بخـفـان
*************
وانشـد وشلـي صـار فـي بطـن ليـه
يـوم(ن) سقينـا النـذل كـاس المنـيـه
استـفـزع ابـوهـا وركبـنـا المطـيـه
والبنـت عــادت دون ذلات واهــوان
*************
وحنـا دول عمريـن جــزل وجـزالـه
الطيـب مكسبـنـا بفـعـل(ن) و قـالـه
مـا حـن مثيـل الـي وحيـد(ن) لحالـه
حنـا يـدن وحـده علـى كـل عـدوان
*************
زبـن الدخيـل وضيفنـا فــي مكـانـه
الـى لفانـا الضيـف يلـقـى السمـانـه
يشبع و لـو جعنـا مـا نرضـى المهانـه
والضيـف لـه قـدره ولا هـوب ينهـان
*************
ويـلا نشدتـوا عـن قصيـر(ن) وجيـره
الرجـل منـا مـا يـخـون ابقصـيـره
والجـار مـا يلحقـه ضيـم(ن) وظيـره
مـا دام جيـرانـه طويلـيـن الايـمـان
*************
والرجـل منـا زود مـا هـوب نقـصـه
له اسم في الدنيـا وحضـور(ن) وحصـه
شجاع(ن) ابشيمـه وعـرف(ن) وخصـه
بالعلـم وابنـي عمـر فـي كـل ميـدان
*************
منـا شيـوخ الـديـن يـقـرو ويفـتـو
وحـافـظ الـقـران بالسـبـع يـتـلـو
ومنـا التطـرف منـعـدم مــا بتلـقـو
ما حن مثيل الـي علـى النـاس شيطـان
*************
فينـا دكـاتـرة(ن) بـكـل المـجـالات
وضـبـاط تلقـاهـم بـكـل القـيـادات
ومعـلـم يعـلـم عـلـوم وثـقـافـات
فـي كـل ميـدا(ن) يشـرف وينـصـان
*************
وانتـم بقـوم الـعـز لــولا و لــولا
فيكـم عيـون(ن) عـور وعيـون حـولا
لنـا فـي الـتـارخ صــولا وجــولا
لـصـار شاعـركـم ردي(ن) وخــلان
*************
وابنـي شهـر اخـوان والحـال واحــد
حنـا وهـم يـا نـاس كـف(ن) وساعـد
وكـانـه تجاهلـنـا كبـيـر الوسـايـد
لا هـو نبـي مرسـل ولا ايـات قـران
*************
و المعـذره يـا ربعنـا فـي التقاصـيـر
فنتـم مثيـل السـر صعـب التفاسـيـر
لـو بنـظـم ابيـاتـي ليال(ن)مداهـيـر
ما وفيتكم بالوصـف يـا شيـوخ واعيـان
*************
وختامهـا صلـوا علـى سيـد الـنـاس
الـي محذرنـا مـن الـسـو والـبـاس
واعـوذ بالله مـن مهـبـات الانـجـاس
ستيـن تمـت كـل بـيـت(ن) بعـنـوان


وسلامتكم.........

[راكب الشاص]

أولا : أشهد بالله انهـــم وااافيــن وما قصــروا وفي ذمتي انهم شعار وردوا على الشاعر البقمي رد كامل ما فيه نقصان ..
ثانيا : مثل ما قال الشاعر ( بيت القصيد ) ان نسانا ما بينقص من قدرنا وان مدحنا فلا هو بيزيد من رفعتنا والله لا هو بنبي ولا رسول ،، وبعدين ودي يعرف الرياحي انه بقمـي لا راح ولا جا والله لاتاريخ ولا أمجاد فش له يهايط ويمدح القبايل ونسى من حفظ جنسيته وخلاه سعودي ، فودي صراحة انه أنخم وأهب شحمه .. واذا صار من قبيلة يشهد لها التاريخ فيجي يمدح القبايل على كيفه ،، ودامها جت من بقمـي بالحرااام ما حركت فيني ساكن .. هذا في قد علمنا وسلامتكم
وأشكرك يا أخي الجنرال جزيل الشكر على اثارة مثل هذا الموضوع

[علي سالم الشهري]

:دله:
::ارجح::
أولا بيض الله وجيه الشعراء على القصيدتين وقال الأول " ما يرمى الا الحصون المنيعة "
"حدود الرمال تشيلها الرياح" هذا جانب
فيصل الرياحي تراه ما يمثل البقوم ففيهم الرجال الأبطال وفيهم الكريم الشجاع وفيهم النخوة ويشهد الله أنهم وافين ومن بيضان الوجيه0
فيصل إن كان نسي ذكر قبيلة بني شهر وبني عمر فقط من بد القبايل فهي محسوبة عليه لشخصه وليست محسوبة على ربعه 0
كل قبيلة فيها الطيب والردي.... والردي ما يمثل الطيبين0
قصيدتك يالشهري مليئة بالحماس والنخوة والعاطفة والشجاعة ولكن فيها مقطع ودي انك ما جبته لأنه مديح يقصد به الذم أو يفهم منه وتحتاج لتعديل منك لأن برج التجارة جوازات السفر اللي كانت بيد الموساد اليهودي هي التي غمسة بأسم الشهري لشخصه وليس لربعه في ما حدث في برج التجارة سامحك الله 0
أقرأ عن القصة في مراجع دولية تجد الحقايق ....
أنت يالشاعر العمري بيض الله وجهك قصيدتك جزلة مليئة بالمدح والنخوة والوصف والبلاغة ولكن عليها مأخذ بسيط في ذمّك البقوم فهم قبيلة معروفة ولها شأنها من قديم الزمان
و" كل نفس بما كسبت رهينة "
أرجو تعديلها من الشاعرين بيض الله وجيهكما ....
أنا طالبكم تعدلونها أو تسمحوا لي بالتعديل بعد أذنكم ....؟؟؟
أخي راكب الشاص ياخي سامحك الله ، طرقت طريق العاطفة والتعبير عن ما في خاطرك لكن ليس ما قلته هو رد أو تعليق باسم المنتدى وأعضاءة ورجال الحجر وأنت وقعت فيما وقع فيه الرياحي ...
البقوم قبيلة معروفة وفيها رجال مخلصين ومنهم وفيهم مثلنا وأطيب ، غلط الرياحي يخص ولا يعم أرجوك أيضا تعدل تعليقك ووجهه لفيصل الرياحي كشخص وليس للبقوم كقبيلة
للجميع أطيب تحياتي وعساني ما اعدمكم .....

[بلغيث العامري]

رد مرموق ومشكور على الطرح الجميل

[الجنرال]

يعطيكم العافية يا الذيابه

[السموو]

رحمة الله عليه

الله يرحمه ويبيحه ويسامحه

[علي سالم الشهري]

رحمه الله وغفر لنا وله وألبس ثوب الصبر والسلوان على أهل أبوبدر رحمه الله مهما كان فقد كان من الوجوه الشعرية المحبوبة وكان يتسم بأخلاق راقية وقد وافته المنية أثر حادث مروري بالرياض حسب المعلومات التي وصلتنا رحمه الله وسامحه الله ..........

[عادل الراشد]

رحمة الله عليه وبيض الله وجهيههم

[الر 1 1 1 1 1 قي]

الله يرحمه رحمة واسعه

ياربعي لازم نحسن الظن في الرجال

والله مافيه واحد ينظر لوجه الا ويحبه

وحنا لازم نلتمس له العذر

فوالله الذي لا أله الا هو اني حزنة على موتته

اما شعارنا فوالله كانت قصيدتهم جزله وكفو ووفو وبيض الله وجيههم

[البهيشي]

الله يرحمه رحمة واسعه

ياربعي لازم نحسن الظن في الرجال

والله مافيه واحد ينظر لوجه الا ويحبه

وحنا لازم نلتمس له العذر

فوالله الذي لا أله الا هو اني حزنة على موتته

اما شعارنا فوالله كانت قصيدتهم جزله وكفو ووفو وبيض الله وجيههم



صدقت اشهد بالله

الله يرحمه ويسكنه فسيح جناته آمين

وإذا مع الربع شاعريه فالمجالات واسعه غير هذا المجال فبني شهر وبني عمرو غنيه عن التعريف وعلى ما أظن إن ما درى عنهم إلا حنا في ذا الصفحه والله لا البقوم ولا بني شهر ولا بني عمرو ترد روسها لشك أو ظن لا من شيوخ ولا من اصغر صغير .. وسلامتكم