عبّر عن حالتك النفسيه ببيت شعر؟؟ [الأرشيف]

أبو فيصل

09-23-2008, 10:26 PM

السلام عليكم ورحمة الله وبركاته

وانا اتجول في احد المنتديات ..

اعجبتني فكرة تقول عبر عن حالتك النفسيه ببيت من الشعر سواء بالفصحى أو النبطي

المهم أنك تراه يشرح حالتك
وأناعن نفسي سوف أبدأ بهذا البيت

أحمل الهم وامشي منتصب قامه ...... قاسي الوقت لكنّي بعد قـــــاسي

ننتظر مشاركاتكم

لكم خالص تحياتي

علي سالم الشهري

09-25-2008, 04:12 AM

رائع يابوفيصل وبيتك الشعري مثلك رائع وأنا أقول
كما قال صاحب البيت في التسامح

كن كالنخيل عن الأحقاد مرتفعا=يرمى بحجر فيلقي أطيب الثمر

عذبة المشاعر

09-25-2008, 09:00 PM

اخووي ابو فيصل

يعطيــــــــــــك العاااافيه

ياصاحبي عذرك معـك لـو تغليـت
لانك عزيـز وطـب قلبـي وروحـي
:::
ماقوى على فرقـاك مهمـا تخليـت
اخاف ابكـي لـك وابيـن وابوحـي

أبو فيصل

09-27-2008, 09:28 PM

أخي علي :شكراً ولمرورك الرائع ولإختيارك الجميل ولا عدمنا تواصلك...

أختي عذبة المشاعر:شكراً لمرورك ومشاركتك العذبه..

العيـــد قــــرب والحبايب بعيدين
لا وعـــذاب اللـــي بعيــــد حبيبه

من يمنعــــك يادمعتـي لاتسيلين
على فراق اللـي ذبحنــي مغيبه

علي سالم الشهري

09-28-2008, 04:41 AM

كل عام وأنتم بخير أخي أبو فيصل وأختي عذبة المشاعر وكل الأعضاء والزوار لهذه الصفحة ومع نقل أبياتكم أقدم لكم باقة ورد بمناسبة العيد أتمنى أن تقبلوها عيدية محبكم أبو بدر "

ابوفيصل=
العيـــد قــــرب والحبايب بعيدين=لا وعـــذاب اللـــي بعيــــد حبيبه
من يمنعــــك يادمعتـي لاتسيلين=على فراق اللـي ذبحنــي مغيبه

عذبة المشاعر=
ياصاحبي عذرك معـك لـو تغليـت=لانك عزيـز وطـب قلبـي وروحـي
ماقوى على فرقـاك مهمـا تخليـت=اخاف ابكـي لـك وابيـن وابوحـي

كل عام وأنتم بخير وربنا يعيده علينا وعليكم وعلى كل الأعضاء والزوار بالخير واليمن والبركات يارب http://www.alsaqr.com/ecards/images/pic_2006-06-30_053538.jpg

عذبة المشاعر

10-08-2008, 06:44 PM

مـن عـز نـومـي صـحـيـت وشـفـت فـي عـيـنـي
دمـع تـهـادى عـلى جـفـنـي وأنـا غـافـي

سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي

علي سالم الشهري

10-10-2008, 04:42 AM

يالله يا ياعالم كل خافي=تجمع صحيبي بالرضا كل ساعة

أبو فيصل

10-19-2008, 02:41 AM

مالي ومال أهــل الرقــاب العـــــوج مدسمــة النقل ..!!

ما دامت الخطوه ثقه بمشي ملـك في كــل حــااال ..!!

علي سالم الشهري

10-20-2008, 01:48 AM

:دله:
:دله:
::ارجح::

ليش يالساق ماترقى النخل وانت أمس راقي=كل ما مر يوم قلت شيبي ولّع الساق

عذبة المشاعر

10-22-2008, 10:00 PM

يا صاحبي لا تشكي الوقـت و الحـال
خل الـذي فـي قلبـك اليـوم خلفـي
ما كل حكيٍ يـا ابيـض القلـب ينقـال
و لا كل عمرٍ من شقى الحـال غافـي

أبو فيصل

10-23-2008, 07:43 PM

العهود موثقه والحب بدري
................. لا يلام اللي مشى حسب الاصول

فيه ناسٍ ما تعيش الا بغدري
.................... لو عطوك الهرج لا تاخذ قبول

ماصفا لك يوم عقب ايام كدري
........................ بس خلك لا ملول و لا زعول

علي سالم الشهري

10-24-2008, 02:29 AM

راح بدران نور المنتدى وانشاد شادي=بالله ادعو معي له بالجنان الراقيات

أبو فيصل

10-24-2008, 09:05 AM

الله يرحمه أخي علي ويسكنه فسيح جنّاته والله يحسن عزاكم..

علي بن سالم

راح بدران نور المنتدى وانشاد شادي

بالله ادعو معي له بالجنان الراقيـات

جمعان بن محمد

الله يرحمك يابدران عِد إنشاد شادي

والله يغفر ذنوبك عِد نوّ وبرقياتِ

زمان الصمت

11-11-2008, 07:43 PM

http://www.y1y1.com/templates/des-dar2/images/category95.gif (http://www.y1y1.com/cat95.htm)

حـــالي مع النقصان ياشين هالحال.......الوقت يمضي والعمر في تعاسه

أبو فيصل

11-12-2008, 05:38 PM

بدع أبوفيصل

قال ابو فيصل لو آغيب عنكم يوم واحد

جيت وانتم في تعاسه وحزن وكيدرا

زمان الصمت

11-13-2008, 09:54 PM

صح لسان ابوفيصل من جد بدعت

ليت عمري ماكبرت........وليتني توني صغيره
ولا يوم اني وصلت.........كانت الرحله زياره

علي سالم الشهري

11-14-2008, 01:38 AM

زمان الصمت=
ليت عمري ماكبرت=وليتني توني صغيره
ولا يوم اني وصلت=كانت الرحله زياره

رد : أبوبدر

الحياة بما شبرت=كلها رحله قليلة
ليت واني ماطلبت=لأن فترتها قصيره

زمان الصمت

11-14-2008, 03:19 PM

ابدعت اخي ابو فيصل

ليت عمري ماكبرت .........وليتني توي صغيره
ولا يوم اني وصلت..........كانت الرحله زيااره

عذبة المشاعر

11-14-2008, 03:58 PM

أنورت بقدومك الدار يا غالي .. و أسفرت من عقب ماعاد غايبها

زمان الصمت

11-15-2008, 04:46 PM

كانك تبيها من الله لا تحرها........روح بطريقك روحه مالها رجعه

صافي النيه

11-16-2008, 10:55 PM

ياصاحبي مافادنا كثر الأحلام ..واللي بخاطرنا عجزنا نطوله
ماتت أمانينا على كف الأيام..وحكم القدر فارض علينا ميوله
نمشي ورى..والوقت يمشي لـ قدام..ضعنا وضيعنا كلام نقوله

علي سالم الشهري

11-16-2008, 11:53 PM

ياصاحبي مافادنا كثر الأحلام ..واللي بخاطرنا عجزنا نطوله
ماتت أمانينا على كف الأيام..وحكم القدر فارض علينا ميوله
نمشي ورى..والوقت يمشي لـ قدام..ضعنا وضيعنا كلام نقوله

ماشاء الله تبارك الله .... مرحبا ألف وألف شكر على هذه المشاركة الرائعة ... بارك الله فيك وننتظر جديدك لا عدمناك ياصافي النية

عذبة المشاعر

11-17-2008, 12:40 AM

تدري ان الشوق في بــعدك عذاب ،، وتدري ان الـــوقت ماكنـــــــه جرى

تدري ان اموت من لــــحظة غياب ،، أشتكي للـــــــــــموت ومحدٍ بي درى

تدري ان الصمت من صوتي يهاب ،، من ألم يســـــــري بقلبي اللي سرى

صافي النيه

11-17-2008, 01:43 AM

البقا يا ابو سالم

انا ما كتبت موضوع في الترحيب لاني اشوف نفسي صاحب دار بين واهله اخوانه

------------------------------------

الحب كله لو جمع عشر ذره
واللي بقلبي لك ملايين ذرات
احساسي لك كوكب تعدى المجره
فيه الفضا شيد لنفسه مجرات
مــاعــــــاد بـــــــــدري

صافي النيه

11-20-2008, 11:21 AM

اون وكلن يحسبني اغني -- عليل وكلن يحسبني مداوي

عذبة المشاعر

11-21-2008, 09:27 PM

سجل حضورك / لآجل اسجل حضوري
يامن على شاااااني تسجل حضورك

طبعي كذا / ارتاااااح لاصرت حولـي
بالضبط نفس الحاااال لا صرت حولك

زمان الصمت

11-21-2008, 09:33 PM

*الغـــــــــــــــــــــــــــــــــــــــــــلا*
ماهي كلـمة أقولــها لأجل اسليــك ...

*الغـــــــــــــــــــــــــــــــــــــــــــلا*
إحساس ومشاعـر تترجمها هالعيون ...
وأنا لأجلك بأعانــد العالـم واقولها

*أغلــــــــــــــــــــــــــــــــــــيك *..
أغليـك بعمــري وأغطيك برمشي والجفون ..
لــــو يعاندني الزمــان بعمــري

عذبة المشاعر

11-21-2008, 09:35 PM

تعآل أحتاج أسولف لك عن [الأيـام ]وأشكيلـك
وأفض غيم الحزن..وأنثر حنين [الشوق] بقبالك

تعآل وحط في [قلبي.].هموم الفرقـى وأشيلـك
لأن القلب..ماهو قلب !اذا في [نبضه] ماشالـك

زمان الصمت

11-21-2008, 09:43 PM

كل المشااااعر يالغلا ذاااايبه فيك
آمر تدلل كل مااااتبي فدوتن لك

لبيك ثم لبيك لبيك لبيك لبيك
ياللي غرااااامك للمشاعر تملك

عذبة المشاعر

11-21-2008, 09:44 PM

مجبور نضحك يازمن العجايب
دام البشر صار بوجه وجـهــين
غصب علينا نبتسم للمصايــب
دنيا نسايرها على العسر واللين

علي سالم الشهري

11-22-2008, 12:09 AM

أضحك وعيني غورقتها دموعي=من كثر ماني خايف سرت مسرور

زمان الصمت

11-22-2008, 02:43 AM

ياليتني أملك ألوانا لرسمتك...
أو أملك الشجاعة لمواجهتك...
أو أملك الخيار لأخترتك...
لكني لا أملك سوى هذا القلم لأكتب لك هذه الكلمة...
][ آحبـــــُ~ـكٌـ][ً .

أبو فيصل

11-22-2008, 10:43 PM

سبحان رب ٍ خالق الكون كله *** عالم بغيب الناس واسرار ٍخفيِّه

عذبة المشاعر

11-23-2008, 02:42 AM

مادريت اني احبك لين قلبي مات فيك .

.. ماابيك تموت فيني بس طمني عليك

أبو فيصل

11-23-2008, 11:32 AM

الورد يجرح من سموم الهبايـب *** والقلب جرحه دمع توديع الاحباب

لو حس شوق المنتظر كل غايب *** محد تغرب عن حبيبه ولاغـاب

عذبة المشاعر

11-28-2008, 09:34 AM

لوٌ كآإنْ فِيْ وًجـهـْ الهَوًىْ ذًرّة آخلآإق,,,,مآ متّ بيدينهـْ من الشٌوقْ مخنوقْ

علي سالم الشهري

12-01-2008, 11:58 PM

هذه القصيدة من القصايد التي تؤثر في ألأحساس وأعجبتني فنقلتها لكم وهي للشاعر بن قصير
بالله ياطير خذني بالجناح وتكسب اجرا=واشكي الحال لك يوم انت لي بالسد كمّات

عذبة المشاعر

12-05-2008, 12:35 PM

كتبت لك من الشوق بيت ورى بيت

وأحييت لك أهات جرح دفيني

أسقيت نفسي حسرة البعد وأرويت

وأشوف طيفك كل لحظة يجينى

أشتقت للجلسه معك حيل حنيت

وأن كان في قلبك عتب عاتبينى

هذا أنا جيتك برساله وطليت

جيتك وأنا كلي لهفة يا حنيني

صافي النيه

12-07-2008, 08:06 PM

حبيبي .. كتبت اسمك على صوتي
كتبته .. في جدار الوقت
على لون السما الهادي
على الوادي ..
على موتي ... وميلادي
حبيبي .. لو أيادي الصمت
خذتني ... لو ملتني ليل
أنا عمري .. انتظاري لك
لا تحرمني .. حياتي لك

عالم ثاني

12-10-2008, 08:07 PM

هين مردك للفرج يأكبـر الضيـق
دام الليـالـي تقتفيـهـا لـيـالـي

علي سالم الشهري

12-11-2008, 02:49 AM

يانجوم السما هو بعد لي في الليل مسرى=القمر طالع لكن من دونه رفية

عالم ثاني

12-11-2008, 03:48 AM

حتى الطموح اللي ذخرته لي سلاح

سكر علي ابوآب " حلم " أصدمتني

أبو فيصل

12-11-2008, 01:10 PM

ستّار ياغفّار هوّنها على عبدك تهون

دعاك نص الليل والعربان رقود

عالم ثاني

12-12-2008, 01:12 AM

يكتب تقاريـر الغـلا وقت الإشراق
وعند المسـا يعطيـك باقي كشوفه

علي سالم الشهري

12-12-2008, 01:15 AM

الوله صابني مابين جنبية بلا حد=كم صبرنا على الفرقا ونزف (ن) في كبادي

عالم ثاني

12-12-2008, 01:51 AM

يا..ليل..وش..باقي

شفني..بديت..أنهار

علي سالم الشهري

12-12-2008, 02:09 AM

اسهر مع الراقي
وابوح صوت جهار

عذبة المشاعر

12-12-2008, 03:42 AM

تمر ساعات ايام بلا ندم.. ولا خووف ولا بكاء ولاحزني..

أبو فيصل

12-12-2008, 10:32 AM

الوفا لابد بالتالي يسود ....... له سيوف الحق لازم تنصره

علي سالم الشهري

12-12-2008, 12:02 PM

النخلة اللي جا ثمرها سياب=لاتعني الحال في زرعها

عذبة المشاعر

12-12-2008, 04:30 PM

لا قلت احبـــــك والله انــــي احبــــــك
وزود(ن)على حبي انا ميت(ن)فيـك

الشاهـــد المعبـــــــود ربـــي وربــــك
انــي على طــول الدقايــــق احاتيــــك

عالم ثاني

12-12-2008, 05:39 PM

أنا عطيتكـ حياتي قبل تعطيني

وغيركـ عطاني حياته وقلت مابيها

عذبة المشاعر

12-13-2008, 02:07 AM

كل شخص وله مكان وله قدر .......... وانت قدرك بالصدر عندي كبير
في خفوقي مجلسك والله صدر .......... كيف تجلس بالطرف وانت الأمير

عالم ثاني

12-13-2008, 02:43 AM

مـــدري وش الليّ في كـــلامك خنقــــني

كنّك بــ كل أحبال صوتــي تعلقــــت

خــــا لـد

12-14-2008, 07:45 PM

يا خي.. تبسم .. انبسط .. لا تكبــــر
لا تفسد اوقاتي .. ويقسومسائــــي

خــــا لـد

أبو فيصل

12-15-2008, 09:48 PM

بمناسبة حذف بوش بنعال الصحفي الزيدي عندي قصيدة أخونا الشاعر الرائع عبدالله الطنيني تعبيراً عن ما في نفوسنا جميعاً...

تستاهل الي حصل يا بوش تستاهل
من جزمة المنتظر قبلـة وداعيّـة
هذا العراقي عريب الساس ياجاهل
الي حقوقه مع التاريـخ مرعيّـة
يالذيخ يالي مع صهيون متساهـل
فصيلـة واحـدة للذيـخ فرعيّـة
سواد وجهك مع التاريخ متواصـل
لك وصمة العار لك حاجة طبيعيّـة
تستاهل الي حصل هذا الجزا العادل
خذها مداسٍ وفي حفلـة جماعيّـة
جاك الوداع الذي عَ الطاير العاجل
بالخزي والعار في الاعلام مشعيّـة
مباشرٍ علهوى يالريّـس الفاشـل
عبر الصحافة ومرئيـة واذاعيّـة
ما طابلي مثلها يالخايـن القاتـل
هذِ الإهانة عليهـا طابـت النيّـة
ما كنت يابوش متكاسل ومتثاقـل
جاتك هديّة وفا وحقـوق شرعيّـة
وداع بغداد لـك شفنـاه بالكامـل
مباشرٍ علهـوى عبـر الفضائيّـة
من كفّ زيدي شجاعٍ غير متخاذل
ياليتهـا قنبلـة ولبـوش مهديّـة
كانت جزاً له على تاريخه الحافـل
باشعال نار الفتن من كلّ نوعيّـة
لكنهـا رمـز للخـارج وللداخـل
إهانةٍ لـه وفـي حفلـة وداعيّـة

عذبة المشاعر

12-19-2008, 07:47 AM

الحب .. كلمه .. وبعض الناس جاهلها
والبعض حقر معانيها بغلطااااااااااته

الورده اللى بيدينك لاتهملهااااااا
حافظ عليها .. وريح الورد محلاته

النفس طابت

12-19-2008, 07:58 AM

بغ اللي يوم زانت له نساني *** لا يحسب اني ليا من صحت ميده

أبو فيصل

12-19-2008, 08:28 AM

أُمَّـاه ياشمعـةً بالـحـب تأتـلـق
لكي تضيء حياتي وهـيَ تحتـرق

أماه يابسمةً تُحيـي رفـات دمـي
إذا استبدّت بهِ الأحـزان والحُـرَقُ

كم ليلةٍ من ليالـي العمـر داجيـةٍ
تنام عيني ويضنـي عينـك الأرقُ

اخاديد الاسمري

12-19-2008, 08:37 AM

أبو فيصل

12-19-2008, 08:55 AM

حياك أختي أخاديد وما تشوفين شرّ إن شاء الله ...
ليش يا عيني كل ماجيت بضحك تبكيني ..... ليش يا دمعتي كل ماجيت اهدأ تذكريني

عالم ثاني

12-19-2008, 09:33 PM

أنا ..والشوق.. والذكرى على شأنك تسابقنـا

نحس بلحظة غيابـك ولانـدري ..وش الآخـر

علي سالم الشهري

12-20-2008, 03:01 PM

يشهد الله ان حالتي اشد واقوى من هذه الابيات المنقولة

مشيتك يالسراب اللي حسبتك تروي الضميان
لقيتك واهجٍ زاد الالم فـي وسـط وجدانـي
بعد طول الطريق وبعد رحلة خافقٍ شفقـان
صدمني واقع ايامي وحلمـت بواقـعٍ ثانـي
اسافرفي بحر حزني وروحي ملت الحرمـان
مواني الحزن في نفسي شواطيها تحرانـي
ايازهرة ربيع العمر وينك عن ثرى البستـان
اياضحكة شفاتي عـودي مليـت اشجانـي
مشاوير العمر كذبه وقصه مالهـا عنـوان
سفينه تضرب بجال البحر من غيـر ربانـي
طريقي صعب والامي في جوفي كنها بركان
ترانيم الفرح ضاعت وليلـي بالعنـا جانـي
حزينه ياحروفي بكتبك وان ماتـت الالحـان
في نبضك اعرفي من دمعتي اني انا الجاني
ابي اترجم اوجاعي مواويل علـى القيفـان
تجسدني قصيدة حزن تحطم سـور كتمانـي
اياذيك الحروف اللي هويتك من زمانٍ كـان
محاني الصدر فجيها عشان الكـل يقرانـي

ألف لا بأس وأزمة وتعدي بإذن الله والمؤمن يبتلى حتى يصبر" أختي أخاديد الأسمري
أبيات في قمة الروعة لله در قائلها ولله در ناقلها لك من التحايا أعذبها ومن الدعاء أصدقه بالشفاء والعافية وأسأل الله أن يسمّعنا خير ...

:ور: :ال: :ال: :ال: :ور:
:ور: :ور:
أقول :
فليعلّم الصبر أني صبرت على مر أمر من الصبر=عليه يالصبر لاتتعب معي فقد صبرت على الأيام
صبرت صبرا حتى أعجز الصبر عن صبري وسلواني=

عذبة المشاعر

12-21-2008, 01:09 AM

ابسألك لو قلت لك =ان الحنان اللي بقلبك
يخلي النسمه عطر =وان العذاب اللي بعيونك
يعلم الناس الشعر=ولو قلت لك اني اعزك
اكثرمن هموم البشر =وكثر السهرولوقلت لك
انك اقرب من عيوني للنظر=ويش بيكوون ردك

أبو فيصل

12-22-2008, 01:19 AM

كتبت أنا في تالي الليل بيتين
لعيون من يسوى جميع المخاليق
اللي معاهدني على الزين والشين
والي بشوفه يصبح الفكر رايق
الصاحب الي منزله داخل العين
هو الخوي وقت السعه والضوايق

عذبة المشاعر

12-22-2008, 02:44 PM

خذني غلاااا يا أصدق غلاااا بالوقت الأول والأخير
أبغاك تدرس حالتي أول .. وأنا أدرس حالتك

حنا نفس واحد .. وروح .. وقلب .. وعيون .. وضمير
عدالتي ظلمك .. وظلمي منتهى .. .. عدااااالتك

أبو فيصل

12-23-2008, 12:23 AM

الزمن لاصار ضدك واحتوى درب المصايب

لاتـحـاول تنكسـرلـه لاتـزيـد الـطـيـن طـيـنـه

عذبة المشاعر

12-24-2008, 04:03 PM

ياقلب لاتحــــــزن على حظك الشيــــــن
............. بعدين بحر الحزن تكثر شواطيـــه

وان كان حد الصبـــــــــر عدا الموازيـن
............ خل الأمل من فـــايض الصبر يعطيه

أبو فيصل

12-24-2008, 11:34 PM

يا رب عبدك تحت رحمتك مسكين
تاقف على بيبان رحمتك امانيـه

لك ترتفع هامات وقلوب ويديـن
عفوك لمن يرفع لرحمتك أياديـه

علي سالم الشهري

12-25-2008, 02:54 AM

ما شاء الله عليكم قلبتوها بدل من بيت شعر لمحاورة شعرية التزمت القافية والوصف والشجون والمشاعر والأحاسيس كلها من أخاديد اللي طبقت علينا كلنا واكتشف شيئ جديد كنت أتوقعه وهو أننا وجدنا من العناصر النسائية شاعرات رائعات وكاتبات متألقات مثل عذبة المشاعر وأخاديد وأيضا غروور كلكن اقلامكن راقية فإلى الأمام....

" لا تشكي فابكي "

بيت الشعر الذي سأشارك به هو [/size][/font]

أهديك يالغالي من المسك والعود=من فوقها حزمة غراز الرياحين

عذبة المشاعر

12-25-2008, 10:42 AM

اخوي علي سالم

دايم اخجل في الرد عليك لانى

لا اجد ما وفيك حقك اخي

ولكن دمت لنا بكل خير وسعاده

وحبيت اقولك صراحه انا مو شاعره

^_^ الشعر الي احطه هوون منقوول

انا بس اكتب خواطر

<< طولتها وهي قصيره

............................

هــــذا الـــشتاء ثـــآني شــتاء / من ودااعكــ..!!

مليــــت اقـــاوم وحـــدتي /..!! وأحضــــن البـــرد

أبو فيصل

12-26-2008, 01:25 AM

قولوا لاهل ذيك المنازل والديار**** مانسينا الود لـو حنـا بعيـد

عاشق ختبة

12-26-2008, 01:30 AM

ياونيتي ونـــة الجـــــربـــوع
****************** أربع دداسن توطنــــه
يوم ألتفت لقا الذنب مقطوع
***************** ومن القهر جرها ونــــه

علي سالم الشهري

12-26-2008, 03:11 AM

يامن يتابع سمرتي والعيون=ماعاد لي قدرة في طبع حرف صغير

أبو فيصل

12-26-2008, 03:33 AM

ههههههههههههههههههه....ههههههههههه

الظاهر ودك بالنوم يابو بدر ....خلها بعد صلاة الفجر....

الا يامجيب دعوة من تـصافق فوقه الامواج

أنا بحماك ياوالي الخلايق لاتخلينـــي

عذبة المشاعر

12-26-2008, 01:37 PM

نافق تعـيـش وجامـل الناس تـنحـب
بــــــــــيع الضمير تشـوف كلٍّ يجيلك

هذا هـو الدستور في وقـتنا الصعب
أما تـــــــزيـل الصــــــدق ولاّ يـزيـلك

صار الصدق منبوذ في عالم الكـذب
وصــــــار الكذب محمود يالله دخيلك

أبو فيصل

12-26-2008, 06:30 PM

خالطي الروح وارحلي في خشوعِ

واستقري في القلب بين الضلوعِ

واسمعيني لحناً طروبـاً شجيـاً

وانقليني إلـى الفضـاء البديـعِ

عذبة المشاعر

12-30-2008, 05:42 PM

ابطي ولكن داخل القـــــــــلب,,,// ما انســــــــاكـ....!!

تشغلني الدنيا وبلشـــــلان فيهااا ,,,!!//

قدركـ ,, على راسي ,,,// وحاااشمك وافداكـ,,

ورفقتـــكـ // في قلبــــــــي,, على ما تبيــــهـأأأ

رهف الرياض

12-30-2008, 09:01 PM

أنـا ماهمني حزني ولاني للفــرح مشتــاق...

ولكن لــيه يــا دنــيا اذا بضحك تبكـــيني...

عذبة المشاعر

12-31-2008, 03:42 PM

لاتحسب ان كل ضحـكـة تشوفـهـآا سعـآادة / ,,

أحيآنآ لآ زآاآد جرحي تجيني ( إبتسـآاآاآمــة ) !

عذبة المشاعر

01-01-2009, 07:54 PM

ليت الوفااااا للناس مثـل العبـاده
ليته ركن ثابت من اركان الايمان

حتى يجازى المجتهد لاجتهـاااده
ويعاقب العاصي على كل عصيان

خــــا لـد

01-01-2009, 08:23 PM

صحيح غــزه في مراحل ابـــــــاده
والشجب يتوالى على اشكال والوان

.
.
.
يانعنبو هالصمت يا اهل الريــــــاده
شتان بين القول والفعل شتـــــــان

خــــا لـد

أبو فيصل

01-02-2009, 03:16 AM

يا نَفْسُ كُفِّي عَنِ العِصْيانِ واكْتَسِبِي *** فِعْلاً جميـــــلاً لَعَلَّ اللهَ يَرحَمُني

عادل الراشد

01-05-2009, 04:17 PM

اعلمه الرماية كل يوم
فلما اشتد سااااااااااعده رماني

أبو فيصل

01-05-2009, 05:47 PM

أبداع : أبوفيصل=
المعالي للنشاما والمطامن للرخـــــــوم=والمساري للذيابه والمخابي للضبـاع
واغتنم رفقة اللي لا نوى الطرقه عزوم=الكريم الحليم الوافي الحر الشجـــاع
لا ندبته فز لك في بردها ولا سمـــــوم=منزله دايم على يمناك لشتد النـــزاع
وانت قرمً ولد قرم من روس القـــــــروم=خوتك خوه مابها شي من الضيــــاع

عادل الراشد

01-07-2009, 04:24 PM

بشرب من الدله لو كان بها سم
ما اهز فنجالي ولا اقول كافـي
مادامه بيمناك وتقول لي سـم
بسم الله اشرب وكل سم عوافي

رهف الرياض

01-08-2009, 10:26 PM

من المشرف العام ..
سبرت أعماق المعنى فوجدت أنها من روائع ما قرأت من المشاركات التي شاركت بها العضوة النشطة بين ما كتب في هذا المتصفح فنسقتها للقراء لما تحمله من معنى رائد مع أطيب تحياتي.

تعبنا نرسم البسمه ولو فينا حزن وهموم=ونضحك ضحكه التزييف ونكتم همنا فينا
شكينا الجفا والهجر لكن القدر مقسوم=نصيح نحترق نتعب ولكن وش بيادينا
صبرنا والشقا واضح وبوجوهنا مرسوم=وهالدنيا من اللوعات نستنا اسامينا

علي سالم الشهري

01-09-2009, 12:07 AM

محاولات في شعر الرمانسية=
أبحرت في شط العيون قريب من سواحلها=ربطت زمام قاربنا على اهدابه بلوجاني
يهز الموج قاربنا على أوتار(ن) وصوت الخوف=من الموجه بغيت أغرق لكن الرب نجاني
ألا ياليل يا مسدل ستار النوم ما به شوف=عسا تنهض من احلامك وتنظر حال عشقاني
تراقب رقصة أمواجك وصوت الموج واحزانه=وتبعد عن ذرا الدنيا التعاسة وآخر أحزاني
عسا الظلما بتالي الليل ياتي النور يمحيها=ويكشف هم مخلوق غرق في تالي أزماني

أبو فيصل

01-09-2009, 09:09 AM

ما شاء الله عليك يابو بدر ....تجيد جميع فنون الشعر ...

الله يعطيك العافيه وصح لسانك على هذه الرائعه الرومنسيه..

*************************************************

مايموت الود في قلب الكريـم
ولاتموت العاطفه عند الكـرام

مثل شوف النور في ليل العتيم
الصداقه باقيـه مثـل الوسـام

تحتويني حكمة الشخص الحكيم
كن بينه والادب حـب وغـرام

كل طير مثل جنسه لـه نديـم
ماتخاوى الحر مع طير النعـام

عذبة المشاعر

01-10-2009, 10:39 PM

ما ألوم القلب عايش في وهَم
يكفي .. يثبت لي حياتي لا نُبَض

قلبي من دنياي " عمره " ما : سلَم
.كل ما زانت .. لي الحظ - إعتَرَض !

كنت أظن الحظ جابك و |إبتسَم
قبل مايقفي بك ونخسِر . . .بعض!!

أبو فيصل

01-11-2009, 04:22 AM

الا يا اهل غزة مالكم غير ربي عون
فلا عاد تدعون الضعـيّـف وترجونه
.
ترى حالهم من دون في دون والى دون
ولو صار ضجة روسهم تحت مدفونة
.
ولا فيهم الآسف ولا فيهم المغبون
وكل ٍ يهمه عرش حكمه ومليونه
.
ولو يشجب الكاذب ويستنكر الملسون
تراها هروج ٍ كلها مثل بلونة
.
الا يا عيوني نزلي دمعك المكنون
ترى خاطري ضايقْ . . ترى النفس محزونة
.
الا كيف ما نحزن وفي كل يوم طعون
وغزة با يادي دولة الكفر مرهونة !

علي سالم الشهري

01-11-2009, 02:38 PM

صح لسانك يابوفيصل .... هذا ما عهدته فيك يالغالي

ومن لم يجامل في أمور كثيرة=يعش أبد الدهر معزول ومكروه

رهف الرياض

01-11-2009, 03:51 PM

ضاقت الدنيا بعيوني لين ضاقت معها الروح ... واصبحت في خارج الجسد هايمه

اون طول الليالي واسهر على الم الجروح ...لكن هاذي حياتي فيها الاوجاع دايمه

عذبة المشاعر

01-11-2009, 11:59 PM

انا الصديق اللي صديقه تنا سـاه
صابر على الحزات مثل الاصايل

انا حكايه طولهـا الـف مآسـاه
تسخر من الاحزان رغم الهوآيل

انا الوحيد اللـي زمانـه تحـداه
فاقد عزيـز وحيلتـهبالرسايـل

أبو فيصل

01-12-2009, 04:22 PM

اللي بقى لـي مـع الأيـام .. وفّيتـه ,,
والضيق لـو ينهمـر تشربْـه وديانـي..

ماهي كبيـره علـي والحـزن غنيتـه،،
وْلاهـي غريبـه إذا وقتـي تحـدانـي..

عادل الراشد

01-12-2009, 11:10 PM

فـكرت والمكـــتوب مــــافيه حيـــله=ليت اللياللي علمتني بالاقدار
عودت نفسي على علوم جميله=وانا على جــور المحـبين صـبار

رائعة لا فض فوك يالغالي ....؟ مع أعذب تحيات أبوبد

خــــا لـد

01-12-2009, 11:35 PM

مافاد ف حضوره .. ولا في رحيلــــــــه
دارت به الدنيا وحتى الحدق دار
.
.
.
يعني كذا ماخذ من الموج ميلــــــه ـه
لاشك اعرف ان حبل الرخص بـــــار

خــــا لـد

علي سالم الشهري

01-12-2009, 11:36 PM

تطلبني انساك وانت اللي نهب كل ذاتي=ياغالي (ن) في القلب ثبت ملفاك

أبو فيصل

01-14-2009, 12:15 AM

اذا صفى لك زمانك علّ ياضامي..... اشرب قبل لايحوس الطين صافيها

الوقت لو زان لك ياصاح ما دامي..... سيّور الايام تجنح به عواديها

عذبة المشاعر

01-15-2009, 03:16 AM

مآآآيمـــــووت الشــــووــووق لو قــــل الوووصل ..!!

وماايهــــز القلـــب زلزال الظـــــروووــوووف ..!!

وآآنت داري في محبتنـــا اصـــل ..!!

أبو فيصل

01-15-2009, 11:40 PM

جمرة على صمّام قلبي لها ناب
صارت علاقتها بقلبي وطيـــــدة

إن جيت أحرّكها سرى القلب مرتاب
وإن سبتها تتعب بقلبي وريـــــــــده

رهف الرياض

01-16-2009, 01:56 PM

تهت في بحرك على جزره ومده

في غرامك صارت أنفاسي عليله

علي سالم الشهري

01-16-2009, 07:22 PM

صح لسانك بو فيصل وصح لسانك رهف ......... البيتين رهيبة والله .....

عذبة المشاعر

01-17-2009, 01:18 AM

إحذر من دنيا تآخذ ولا تعطيك..,’
وإن عطت باكر تخلف بوعدها..

ناس بلحظة تودك وعقبها تجفيك..
وناس الخيانة أصبحت من طبعها.. ,’

رهف الرياض

01-17-2009, 10:41 AM

خذيني ياعيون الشوق على صدرك وضميني
خذيني لآخر الدنيا على افراحك اوجموحـك
خذيني يامنى روحي على كونٍ رحل فينـي
وأحبك لو ترديني مادام الفرقـا مصلوحـك

عذبة المشاعر

01-18-2009, 02:43 AM

الـزمن لاصـار ضدك واحتوى درب المصايب

لاتــحـاول تـنـكـسرله لاتــزيـد الـطـيـن طـيـنه

لـلزمن حـكمه غـريبه تـحكم بـدرب الصعايب

ويا كثر من ضيع الفرصه وهي فرصه ثمينه

عـز نـفسك فـي زمـانك لا تـقول الـحظ خـايب

وسـق عمرك للمعالى واكسر النفس الحزينه

والـطريق الـلى تـشوفه يـرسم الـدنيا عجايب

مــد يــدك فــي طـريـقه لـيـن مـاتمسك يـمينه

والـرفيق ان طـال وقـته لا تـحاتى وكل غايب

حـجـتـه دايـم مـعـاه ولا تـقـول فــلان ويـنـه

ولا تـكابر بـالمصيبه لا حـكو باغلى الحبايب

قــول غـالـى وكــل غـالى تـكرم لـعينه مـدينه

والـبـلا واكـبـر مـصـيبه لا تـناسوك الـقرايب

وتـصبح الـدنيا ظـلام وتـصبح الـلحظه لعينه

وقـتـهـا لاعـــاد يـنـفـع لا عـتـاب ولا طـلايـب

والـزمن والـحظ الاقـشر الـعنه والـعن سنينه

علي سالم الشهري

01-18-2009, 02:15 PM

صح لسانك على هذا الخاطرة الشعرية الرائعة والشكر أيضا لرهف على الذوق الراقي

الورد لونه وصوفك=آرى خيالك بالأزهار
لوكنت واقدر اشوفك=طفيت نار اللظى ادهار
لكني آرى وقوفك=بين البساتين وانهار
اروق لا جا وجودك=ويروح يوم بلاكدار

عادل الراشد

01-18-2009, 08:01 PM

ويظهر صديق ٍ لك من الناس الأقصين
يكفيك عـن رفقـة رفيـق ٍ موالـي
ورفيقـك اللّـي بالقفـا حَـدّ سكيـن
بع رفقته بأرخـص ثمـن لا تبالـي

علي سالم الشهري

01-19-2009, 12:26 AM

صح لسانك عادل على هالأبيات الرائعة تقبل أعذب تحياتي ...........

اشرب من المزن عذب وعلّ ياضامي=قبل تجف العيون وتذبل اشفاتك
واسير وارى حبيبي حفيت اقدامي=والسير طوّل وانا با قول لو فاتك
لا تحسب الوعر سهل جفّت أقلامي=والزين ماردّ في لوعات لفاتك

عادل الراشد

01-19-2009, 05:28 PM

يا صاحبي صبري على البعد محدود
ماهو صحيح ان الصبر من صفاتي
تدري اعزك موت واموت بك زود
وغليك اكثر لوتحس بغلاتي......
اوعدني ان الوصل دوم موجود
واوعدك لحضه متفارق خيالي ..

علي سالم الشهري

01-19-2009, 10:57 PM

يعطيكم العافية واصلو بارك الله فيكم .... متابع ....

عذبة المشاعر

01-20-2009, 09:11 AM

عـــيــنــي بـــكــت من غروووب الشمس
وعـــيـــنـــي بـــكـــت لــيــن طلــعــــتــها

واليــــــوم عيــــنـــــي بــــكـــت مثل أمس
حتـــى البكـــــــى صــار عــــادتـــــــــها

أبو فيصل

01-21-2009, 02:41 AM

اللي يبيعك ساعـة الشـدات
وقت الرخا بأرخص ثمن بيعه

عادل الراشد

01-21-2009, 02:41 AM

طبع الليالي بالسعادة قصيرة
الله يذكر من فقدناه بالخير

أبو فيصل

01-21-2009, 02:46 AM

بعض الذنوب أعدها غلطة إخـوان
ذنب يضايقنـي و ذنـب غفرتـه

اتصدق إني من كثر ما بي أحـزان
حتى عدوي لـو شتمنـي شكرتـه

ويا شينها لو طاح من عيني إنسان
لو حطني فوق النجـوم احتقرتـه

عذبة المشاعر

01-21-2009, 09:19 AM

من سـألنــي قلـت طيـّب في ثقـهـ يعنـي : ركـادهـ :

والــــــــــركـادهـ تحتهـا × مـوت × يزلـزل همـّتي

قلت بصبـر والعـزا ان الصبـر نـوع من |العبـادهـ|

والعبـــــــادهـ غايـهـ للمسلميـن و ~ غايـهـ ~ لـي

رهف الرياض

01-21-2009, 10:51 AM

أدفــن الــمــاضــي تــحــت ســابــع ثــرى
خــطــوة الأيــام مــا تــرجــع ورى

وش يــفــيــد الــيــوم تــرديــد الــكــلام
أنــس وأنــســى كــل مــا صــار وجــرى

أبو فيصل

01-22-2009, 12:55 AM

يا قلبي العشق ما يتعب ولا يشقـى
إحنا صهرنا العذاب وحضرته باقـي

نستمطر الوصل ما كن السماء زرقاء
لا غيم لا سحب لا راعد وبراقـي

ما غير صمت البعاد ونايح الورقـى
حزنً يجوب الفضاء ويمـر الآفاقـي

ما هوب حق الهوى نشقى ولا نلقى
نصّحي الشوق والميعاد مـا فاقـي

عادل الراشد

01-22-2009, 01:15 AM

إذا كنت في كل الأمور معاتبا
صديقك لن تلق الذي لا تعاتبه
فعش واحدا أو صل أخاك فإنه
مقارف ذنبٍ تارة أو مجانبـه

عذبة المشاعر

01-22-2009, 07:16 AM

الرصيف !

خطوة الحلم .. المسافة !

لية أخافة ..!

لاشرب حزني .. وفضفض لي جفافة !

بس اخافة !

لانهض لي طيف يمشي من بعيد !

من جديد !

وقمت أسابق هالمسافه..

أبو فيصل

01-22-2009, 11:25 PM

أواه..
ما أقسى البعادَ ..
عن الأحبةِ والوطنْ..
أواه..
ما أقسى التقلب…
في الهموم
وفي المحن..
أواه..
ما أقسى البعادَ..
وحين تجفوك الأماكن والزمن..
أو حين تترك بعض قلبك..!!
في متاهات المدنْ..
في لوحةٍ..
أو لمحةٍ..
أو في سنا وجه حسن

عذبة المشاعر

01-23-2009, 12:49 PM

الليل لو يستر على جرح الاحباب
ماسولفت ..روح الحزن للسهارى
جيت انثر الدمعه على ساحل كتاب
وجاني صدى دمعي قلوب الحيارى
كل ماهقيت ان الوجع ودع وغاب
آغيب لاشفته ..معاي .. يتبارى

رهف الرياض

01-23-2009, 03:20 PM

هذي هي الدنيا متاهات واحزان
كلاً يدور راحته ما لقاهاااااااا
تبي لها صبر مع شوي كتمان
مع ضحكةً تخفي دموعك وراهااااااا

أبو فيصل

01-23-2009, 10:06 PM

جرحٍ قديم بداخل القلب ماطاب
وجرح جديد تو قلبي لفا به

علي سالم الشهري

01-23-2009, 11:44 PM

الطّيب طيّب مايجي غير مالطّيب=طابت لياليكم وطابت خطاكم
المنتدى به وردة فوحها طيب=والطيب فوّاح وحنا فداكم
ياداعمين المنتدى بطيب وراطيب=الشكر مايكفي لطيّب مساكم
هذي علومي جبتها كلّها طيب=يفدى كفوف شاركت منتداكم

أبو فيصل

01-24-2009, 02:34 AM

صح لسانك أخي أبو بدر والطيب ما يجي إلا من الطيب......

**********************************

صحيح أغيب أغيب لا كني ليا من جيت .. جيت
و أنا سنافي لا حضـر كـلاً درى فـي جيّتـه

هذا قصيدي دونكم و أقروه بعدي بيت .. بيـت
مجنون عشـق لا ضـواه الليـل ربـي بيّتـه

عذبة المشاعر

01-24-2009, 01:45 PM

رآحت " الفرحهـ ولآ هي رآجعهـ وشّ بِهـ تفييد ..
دآمهـ أغلى من سگني //بآع // وبليآ ثمن ..

ينتهِي عآم بـ /.. حيآتِي ويبتدي عآمٍ جديد ..
واحتفظ بـ ’ أغلى الهدآيآ " خنجر / و دمّع / وگفن " ..!

أبو فيصل

01-25-2009, 02:27 AM

اللي بقى لـي مـع الأيـام .. وفّيتـه ,,
والضيق لـو ينهمـر تشربْـه وديانـي..
ماهي كبيـره علـي والحـزن غنيتـه،،
وْلاهـي غريبـه إذا وقتـي تحـدانـي..

عذبة المشاعر

01-25-2009, 03:29 PM

آآآدرــري بتجينــــي وعينـــك بـ الشقــىى غـــرـرقــىى

وـوبتحـآآول بقــد مآآآتقــدرـر تــرـرجعنـــي

آآللـــه يسهـــل لقلبــــك سكـــة آآآلفــرـرقــآآآ

وآآآنـــآآ علـــى قــوـولتـــك آآآللــه يـوـوفقنــــي

عادل الراشد

01-28-2009, 03:15 PM

نـسـبـى ونطـرد يا أبي ونبـاد .......فإلى متـى يتـطـاول الأوغـــاد
وإلى متى تدمـي الـجراح قلوبنا .......وإلـى متــى تـتـقرح الأكـبـاد

عذبة المشاعر

01-28-2009, 05:32 PM

ليتك تصدق هرجتي لك والايمان
وليتك تكذب كل ما قيل عني
اللي سعى بفراق لابد شيطان
يزعل اليا شاف الحبيب متهني
يفرح بتفريق الحبايب والاخوان

عادل الراشد

01-29-2009, 02:41 PM

ياقلب انسى اللي نساك وتحداك ###### واصبح بدرب الحب خاين وغدار

يامى تلقيت المهونه من اعـــداك ###### كله علـشان الحبيب الذي جـار

أبو فيصل

01-29-2009, 05:17 PM

ما جاء من الوالي على العين و الراس
لـو الزمـن سـوّا و سـوّا و سـوّا

عساك من دنيا الورى ما ترى بـاس
يا ثالـث أحبابـي مـن آدم و حـوّا

رهف الرياض

01-30-2009, 12:04 AM

قالوا تمني ,, قلت ضحكه من القلب !
قالوا حزينه ؟ قلت ماعرف شعوري..!

عادل الراشد

01-30-2009, 03:26 AM

اكرهك واحبك ولا ابيك وابيك *** لخبطت فكري ماعرفت الحقيقه

علي سالم الشهري

01-30-2009, 03:36 AM

رسالة غزل في منتداي " منتدى رجال الحجر "=
ياليتني ياصاحبي ما عرفتك=ولاعرفنا ديرة جيت منها
حطيتني ياصاحبي يوم شفتك=بين الرجاء في حزة لاتمنها
لولا حبيب الروح ما كنت جيتك=ولا بديت من الرجا لي ثمنها
كنت اتوارى خلف هذا وآناتيك=لكن سهم الحب جا في لثمها
يامنتدا عمري بوقتي فديتك=لاجل الحبايب كلهم لي ضمنها

علي سالم الشهري

01-30-2009, 03:40 AM

القلب له لفتة وللعين نظرات=والراحة اللي يجتمع فيها الاثنين

عذبة المشاعر

01-30-2009, 11:44 AM

أمانة الله عليك إن غبـت عـن عينـي
لا يكون قلبك مثل قلـب الزمـن جافـي

رهف الرياض

01-30-2009, 01:50 PM

حظي وحظك بالشقى صار ينشـــــــــاف
---------------حنا رداة الـــــحظ ذقـــــــــــــــــــنا نكدها

ياليت حظي والـــموالـــيف لــطــــــــاف
----------------ابـــــــيه يـوم يــمسكن زيــن يـــــــــدها

عادل الراشد

01-30-2009, 03:55 PM

وما قتل الأحرار كالعفو عنهم

فمن لك بالحر الذي يحفظ اليدا

إذا انت اكرمت الكريم ملكته

وإن انت أكرمت اللئيم تمردا

رهف الرياض

01-30-2009, 07:40 PM

الوفاء في غير انا ما لقيت
وان مدحتك روحي بالقصائد ما وفيت
اعتذر ان كان في يوم قسيت
والعذر ان كان صديت او جفيت
فانا حد السيف لا مني اعتزيت
وانت اغلى شخص في عمري لقيت

عادل الراشد

01-30-2009, 08:23 PM

مايزعج النفس إلا بعد غاليها

ولا يسعد القلب إلا شوفة احبابه

رهف الرياض

01-31-2009, 11:34 AM

إبْتِسـَـامَتـِـي دَائِماً مَوجُودَة

والجَمِيع يَظـُنـُونَ بي السّعَادَه

ومَهمَا عانـَيتُ في دَاخـِلي التَـَعاسَه

ستــَظلُّ إبـْـتسَامَتي تَـَخْـفي دَمْعتي..!

عادل الراشد

01-31-2009, 12:24 PM

يامعرض قلب الاحباب للدرب الطويل** السعه لا بارك الله بالضيق السعه

رهف الرياض

01-31-2009, 08:53 PM

لاضاق صدري والهموم اسكنتني
طالبك لا تقول بـحر ابتلشني
هي ضيقه ن تجي وتروح عودتني
لا ذكرت الغلا هل دمعي وفضحني

عادل الراشد

01-31-2009, 10:23 PM

امر تدلل بس لاتطلب الشوف **** وشلون اشوفك وانت ماخذ عيوني

رهف الرياض

02-01-2009, 11:03 AM

اللـه يفعل كل شي ,,, إن شاء
والشاعر اللي يصنَع : الجمهور

أسْمَاء , مَرَّتْ وإنْمَحَتْ أسْمَاء ..!
والقلب لو يخطي , ترى معذور

** حاله بقمة الغرابه

عادل الراشد

02-01-2009, 05:31 PM

من أول راح واللي راح أنتهى وولى"
وأشوفك اليوم في قلبي طاح تمثالك

عذبة المشاعر

02-01-2009, 05:47 PM

تعلمت أزيف ضحكتي والقلوب أسراااار..
على إني بخير بعين منه يجهل أحزاني !!

رهف الرياض

02-01-2009, 08:39 PM

انت غير الناس عنـــــدي
انت عندي شي كبيــــــــر
كيف بصبر وانا شايــــف
ناس من حولك كثيـــــــــر
وانا احبك واقولها لـــــــك
كلمه خليها في بالـــــــــك
انا ماني اي عاشــــــــــق
انا لمه اعشق اغيــــــــــر

عادل الراشد

02-02-2009, 05:46 PM

عذبة المشاعر

02-03-2009, 09:15 AM

ليتنـي
آقـــدر
في ثوآني آوصلـك . . !
لجـل آقول لك
كلمتيـن :
يـآصاحبي { آشتقت لك .. ~

رهف الرياض

02-03-2009, 01:06 PM

يحسبون الصمت مثل اول علامة للرضا
يعلم الله ماسكت لها الزمن الا قـــــــــــهر

عذبة المشاعر

02-03-2009, 02:13 PM

’’ تعبت من العيون اللي عن الأخبار تسألني ..

.. همومي ضاقت بصدري وانا مجبور اخبيهاا ‘‘

عادل الراشد

02-03-2009, 07:22 PM

عذبة المشاعر

02-03-2009, 11:31 PM

لآ تفكر بـ / الـنـهآيـة !
توهآ عنـدي : بـدآيـة ,,
توي آحـس بـ حيـآتي ؛ يآ هــوى عمـري و ذاتـي ,,
لـو رجـ ع ـت لـ /ذكريـآتـي ,
مآلقـيت الآ [ انـت ] فـيهآ !
مـ ح ـتويـهـآ ... !!كيـف اعـيش يـوم دونــك ، !؟
يبعـدونـي ..... يبعـدونـك ...مآ ابتـ ع ـد ...
[ ق ــلبي و ق ــلبـك ]
دآم تـجمعـنـآآ ..
" أحـــبــك "

عادل الراشد

02-04-2009, 02:01 AM

لَو بالسَهَرْ دَمْ / أو لِوسَادتِيْ ذمَّة !
مَا كَانْ نمِتْ و دمُوعِيْ تغسِلْ أهدَابِي
حَسّيتْ كَنّ الفرَاشْ إنسَانْ بآضمّة
و مَدّيتْ يَدّي إليْن [ إنهآرتْ ] أعَصَابِيْ

عادل الراشد

02-05-2009, 05:59 PM

اضحك حبيبي دامني بوقتك مسليك...بكره تموت من القهر لانسيتك

رهف الرياض

02-06-2009, 12:26 PM

العبره اللـي لهـا يوميـن تخنقنـي
خذيت منها على مر الزمـن عبـره

عذبة المشاعر

02-06-2009, 04:39 PM

طبع ـي كذآ ..
مـآأحب الف ولآ أدور
الله خلقنـي وآضح ـه في حيآتي
أهوى الصرآحـه وأكره الكذب والزور
وحبي لـ { غيري } مثل حبـي لذآتي

عادل الراشد

02-06-2009, 11:35 PM

لو نظرت بعين قلبك وشفتني
مامعي مخلوق يستاهل

عذبة المشاعر

02-08-2009, 12:59 AM

وشَ آخـِـِرڪْ يآ { ضيـّقـﮧ البـَـآل ] قوٍليـْﮯ ليـّﮯ
تعبـِـِـِت أردد وأقــّـول الحـِـِـِآل / مستـّوره !

إن جيـّـت بـ / اشڪَيـﮯ لقيّت الڪَل يشِـِڪيـﮯ لّي
وإن قلـّت بـ تهـُون زآد الوقــَـَت فـِي " جـُـوره "

عادل الراشد

02-08-2009, 02:54 AM

هاذي حياتي عشتها كيف ماجات
اخذ من ايامي وارد العطيه

عذبة المشاعر

02-08-2009, 12:08 PM

درب الهوى في داااااخلي طاب مسرااااه
وأخاف لااااا يدق الهوى بـاااااب ذمـك

ودي أحبك لكـن الوضـع مأسـاااااه
ودي وخووووووفـي إنـك تـدس سمـك

ودي أحبـك لكـن العـرف مبـدااااااه
إنـي بنيـة سترهـاااااا مـا يهـمـك

علي سالم الشهري

02-08-2009, 02:19 PM

سلمت أبنتي عذبة المشاعر على المشاركة الرائعة وأنا ....
متابع بصمت

عادل الراشد

02-08-2009, 09:03 PM

يقولون بعض الحب يااخذك بالقوه
وانا اقول بعض الحب يفدنه سنيني

رهف الرياض

02-08-2009, 09:33 PM

كم صغير في الشدايد

صار يضرب به مثال

رافع راسه بعزه ما

انحني في وقت ضيمه

عادل الراشد

02-09-2009, 02:33 AM

لا تحسب المجد تمراً أنت آكله
لن تبلغ المجد حتى تلعق الصبرا

أحاسيس مختلفه

02-09-2009, 06:15 AM

ضايق ولو إني مع الناس مزّاح..
ما ودّي أبدي ضيقه الصدر/ و أبوح

عادل الراشد

02-09-2009, 08:18 PM

صديقي اللي يوم ضيقي تضايق @@اللي يشاركني همومي وضيقي
يحاول اسعادي بشتا الطرايق @@ يشيل كلش واقفن في طريقي
هذا الصديق اللي له الاسم لايق @@اصل الوفى من معدن اصلي حقيقي
اما صديقي بس لاصرت رايق @@ما يستحق انه يسمى صديقي

عذبة المشاعر

02-10-2009, 01:01 AM

ياقلب هون من همومك والاوجــــاع

ترى الزمن ياقلب ماهو بطايع

جاري زمانك واضحك ولو كنت ملتاع

ســـــود اللــــيالي ماتغيــر طبايع

أصـــــــبر وخلك بالأمل دوم طمـــــــاع

لعلها خيـــرةه ولو كنت ضـــــــأأيع

عادل الراشد

02-11-2009, 12:03 PM

دعينا من الأمس .. كنا .. وكان
ولاتذكري الجرح فات الأوان

تعالي نسامر عمرا قديما
فلا أنت خنت .. ولا القلب خان

عذبة المشاعر

02-11-2009, 01:21 PM

تبقــــــــى ولـــــــيف القـــلب ..لو صآآآآر مآآصآآآر

وتبقــــــــى نــــظــر عيــــني لو مآآنشـــوووفك

عادل الراشد

02-12-2009, 12:02 AM

ياللي تشوف الحزن في وجه مغليك
وش فيك ماترفق على منهو اغلاك..!

لازم تشوفه يسهر الليل يبكيك
وإلا فـ لاحبك ولاهوب يهواك.!!

لاشفت خلك ضايق وودهـ يجيك
قله هلا واهلين والفين حياك

قله حبيبي سم كلي لعينيك
امر حبيبي كل ماتطلب فداك

عذبة المشاعر

02-15-2009, 05:54 AM

أخبآري :

الضحك صآير بسْ عَلى الطآريّ ..

والابتسآمة تمَر ،

وتقول : تامر شي ؟!

وبكل هدوء ، أزفر ،وأجآوب:

هاتي أي شيّ فـ طرِيقكْ ..

وِجهيّ عآرِيّ

عادل الراشد

02-15-2009, 11:58 PM

غالي ولك بالقلب شي ومخفيه
.......................اكبر من اللي بالضماير تهقواه

في غيبتك قلبي ترى الهم صاليه
......................واسهرت ليلي بين ونه وويلاه

أحاسيس مختلفه

02-17-2009, 05:23 AM

يا رب إمتلى جوفي ذنوب وثقل ممشاي !
..................... وأنا الخايف اللي يرجي العفو والتوبة .

عادل الراشد

02-17-2009, 12:14 PM

يـا ذيـب عاهـدني واعاهدك مارميـــك....... مـارميــك أنا ياذيب لو زان مرمــــاك

أحاسيس مختلفه

02-17-2009, 01:03 PM

حقك علي .. إني أدعي لك على كل حال !
....................... جايز .. دعاء صافي النية يرد القدر

عادل الراشد

02-17-2009, 03:17 PM

أنا مالك أمل فيني ... ولو في الاصبع العاشر ..تلاقينا .. تفارقنا ..بدنيا لعبة الأقدار ..انا حبيتك بقلبي ..وهذه غلطة الشاطر ..مشيت خطوة احساسي ..وضعت بآخر المشوار

أحاسيس مختلفه

02-18-2009, 01:29 PM

.
.
انا شعاع الشمس ياظلمة الليـل / وانا النفل وانا عبيـر الخزامـا
وانا القمريانجمة الجدي وسهيل / نجمي فرق نور وحضور ومقاما
وانا مُنى الفرسان من سبق الخيل/ بنت الكرم واخت الكرام النشاما
.

رهف الرياض

02-18-2009, 04:05 PM

يـالـلـي نـسـيـت الـزمـن وقـلـوبـنـا تـعـده
كـم لـيـلـةٍ غـبـت والـهـاجـوس يـلـعـب بـي

لا أنـت مـع الـقـلـب يـالـغـالـي ولا ضـده
كـلـه سـوى راحـتـي والا تـعـب قـلـبـي

يـسـيـل قـلـبـي عـلـى الـخـديـن .. وارده
خـبـرت قـلـبٍ مـن الـلـوعـات يـنـحـبـي

وان قـلـت لا بـد يـبـرد زادت الـشـده
شـقـيـت انـا مـنـك والـشـكـوى عـلـى ربـي

عذبة المشاعر

02-18-2009, 05:09 PM

امووت من فرقاك واموت بلقاك..واموت من جورك واموت بحنانك
كلن قضاه يموت مره ويفداك..وانا امووت الفين مره عشانك

عادل الراشد

02-18-2009, 05:45 PM

والتقت عيني بعينه وصدفه شفته بالزحاااااام

شفت دمعه من عيونه تغني عن كل الكلااااااام

............................

عادل الراشد

02-25-2009, 04:15 PM

ياكثر مانذكر من الناس غالين**** تحت الثرى ماعاد فيهم رجوعي

عذبة المشاعر

02-26-2009, 04:56 PM

..لاتحسب الايام ديم تسليك..
..يوم يضحك لك وعشرة تبكيك..
..حتى رفيقك الي تعزه ويغليك..
..لابدمع الايام تكدر رفقته ويثنيك..

عادل الراشد

02-26-2009, 11:43 PM

أعلل النفس بالاّمال أرقبها *** ما أضيق العيش لولا فسحة الأمل

عذبة المشاعر

03-07-2009, 12:10 PM

عٌز الله آنَي بالمٌودةَ ....{ تُحملَت ..
محُدن فزعٌليٍ ... وخفٌف الحٌمل عَنيْ ..~

عادل الراشد

03-08-2009, 07:42 PM

يالله من النكبات تامناااااا
ياواحد كل الخلايق بترجيه

عذبة المشاعر

03-15-2009, 03:57 AM

أحضن جروحي اظن الوقت يشفيها
كافي لنا الصبر مانبغا لأحد منه
اجروح بوضوح واخرى بس اداريها
آهات بين الشفايف تحظن الونه
اغراب وبحور ملت من شواطيها
اطلال بين الشقا اللي متقنن فنه
وين اشتكي والحروف تعز قاريها
تختال في سطرها لو ملت ظمنه
سنين في حسرتي لوجيت بشكيها
كن الشقا منخلق مني وانا منه
مليت من وحدتي لو سلوتي فيها
قلت اكتفي بالنصيب ومالنا عنه
يارب ياخالقن خلقك ومعطيها
رضاك يارب يارحمن والجنه

عادل الراشد

03-15-2009, 02:47 PM

ياذيب تبغى الصدق ما عاد يمديك
تفخر بنفسك وأنت ياذيب تشهـد

مدامت إن الديـك طبـق مباديـك
حول عن المرقاب وانزل على السد

عذبة المشاعر

04-10-2009, 03:21 AM

أعاني الساعة و أعاني مسافـات
و أعاني رياح الزمان العتية
و أصور معاناتي حـروف وأبيـات
يلقى بها راعي الولع جاذبية ××*

عادل الراشد

04-11-2009, 05:12 AM

وهــــــــــــــــــم ............
,,,,,,,,,,,,,,,,,,,,,,,,,,,,,,,,, كل المواعيد وهــــــــــــــــــــــم

عذبة المشاعر

04-11-2009, 07:52 AM

ابســــــألــــــــــــــ ـــــــــــك... ؟؟؟؟؟

فهمينــــــــــــي.. !!!

.....كل الناس مثلي ...

أو أنا وحدي.....همومي تسري فيني

وفي الاخير عندي حـــكمـــــــــه:

" بسألك يادنيـــــا عطينــــي برهــــان ليه اللي قلبــه طيب دوم خســــران "

عادل الراشد

04-11-2009, 11:27 AM

هاذي حياتي عشتها كيف ماجات ..........
اخذ من ايامي وارد العطيه .............

عذبة المشاعر

04-12-2009, 09:59 AM

وش حيلتَي في حزَن ســــاكن اعماقَي
ووش حيلــتَي في هـــَـموم تخــاوَيني

اللهَ حسيبَك يازمـــن َبعثرت اشَـــــواقي
كــــذا دنيــتـَتي دومَ بالــهمَ تـــلاقينيَ

اكتَب احــزانَي ودمعَي سطــَــر اوراقَي
ومالَي غــِـير قصيْدي بعــزلتَي يسليَني

أبو فيصل

04-19-2009, 12:25 AM

الثنايا، والعواتق، والخدود
صافياتٍ، ناعماتٍ، زاهيات

والجدائل، والنواهد، والحجول
سابحاتٍ، قاعداتٍ، حايرات

والردايف، والخواصر، والبطون
زامياتٍ، ضامراتٍ، هافيات !!

محسن الهزاني

عادل الراشد

04-22-2009, 01:58 AM

من يشتـري قلـبٍ همومـه ملاييـن
ويبيعنـي قلـبٍ مـن الهـمّ خـالـي
عجَـزت أعـدّل مايـلات الموازيـن
أليّا اعتـدل ميـزان ميـزان مالـي
دنياك يا الجاهـل تراهـا أمّ وجهيـن
أيـام تشـرب مُـرّ وأيـام حـالـي
ويظهر صديق ٍ لك من الناس الأقصين
يكفيك عـن رفقـة رفيـق ٍ موالـي
ورفيقـك اللّـي بالقفـا حَـدّ سكيـن
بع رفقته بأرخـص ثمـن لا تبالـي

عذبة المشاعر

05-01-2009, 04:28 AM

ساعات...

تنام...وتصحى...
على وساده الخديعة والخيانة..
وتبكي بقهر على حالك..؟؟

عادل الراشد

05-01-2009, 05:44 AM

ليت الخلايق كلها تنقلب انت .........

عذبة المشاعر

05-02-2009, 07:51 AM

فيني خلايا تنزف الحزن
والهم
وفيني طلاسم محدن قد
قراها
فيني هموم تذرف دموعها
دم

الر 1 1 1 1 1 قي

05-02-2009, 08:30 AM

راعي الهوى لا حب تبكي عيونه

لا هاجت الذكرى على ماضي صار

عادل الراشد

05-02-2009, 05:07 PM

يتيمـة فرحتـي والله يتيمـة يـحسدوني عـلى فرحـة يتيمة
جمعنه ياس كل الخلق فينـي خفـوقي ما قوى صدمة عظيمة
حبيبي والله إني فيك مغـرم ونـفــسٍ مالهـا ذمّـة سقـيمــة
حبيبي كل شيء فيني ملكته ونار الحـب فـي جوفي ظريـمــة
إذا روحي لها في حبك ذنـوبِ هلا بذنـوبـها لو هي ظـليمــة
وإذا في حبـك إجرامٍ ارتكـبته فـأنا كـلّي فـخر بأعظـم جريمـة

الر 1 1 1 1 1 قي

05-03-2009, 10:23 AM

ارفع مـــقامك لا تجي كل محذور
القدر لا من طاح صعب ارتفاعه

والكبر في حق الرجل نقص وقصور
والخوف في بعض المواقف شجاعه

والرجل من جور الزمن يلحقه جور
لا صار ما عنده اربوع وجماعه

يعيش بالدنيا ذليل ومقهور
حتى ردي الساس يلوي ذراعه

والطيب بأهل الطيب له ساس وجذور
ترى المعزه بالرضا والقناعه

عادل الراشد

05-05-2009, 06:32 AM

أحد يصحى على صوتك ولا يصبح صباح النور

أحد يغفى على صوتك ولا يحلا ..له إنعاسـه

عذبة المشاعر

05-08-2009, 08:55 AM

عادل الراشد

05-09-2009, 12:24 AM

جيتك وانا من دنيتي شبه مكسور

وعودت وانا منكسر خاطري منك

الر 1 1 1 1 1 قي

05-09-2009, 09:48 AM

انا ما ادري فكرة هذا الموضوع تقول انه عبر عن حالتك النفسيه ببيت شعر

واحنا فليناها بأبيات شعر

والا انا اغلطان

شكلكم تقولون وش ذا اللقافه اكتب وانت ساكت.......... طيب ابشرو

احيان احبك واكرهك بعض الاحيان ،،،، واحيان مدري وش حياتي بدونك

عادل الراشد

05-09-2009, 04:58 PM

تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي

~حلا بني شهر~

05-13-2009, 09:17 PM

هُم يحسدوني على موتي فواأسفاااااهـ ... حتى على الموووت لاأخلو من الحسدِ

عادل الراشد

05-17-2009, 01:39 PM

ياليتني في جيبك ريال مشقوق ........... يبقى معك مايقبله اي دكاااااان :d

أبو فيصل

05-24-2009, 07:47 AM

يـاسيـدي مـن بـاعنـا بعنـاه مـا نشتـري غيـر شـاريـنـا

وإلـــي تــكـبــر تـجـنبـنـــاه حتـى لـو بـابـه يـوالينـــــا

علي سالم الشهري

05-24-2009, 07:59 AM

الورد ما ينزرع غير في عذب المياه=واللي يقل ورده على الملح قادر
يزرع ويصبر ويتعذب بدنياه=حتى نحول له العذب من مانا مكادر

عادل الراشد

05-26-2009, 09:21 PM

فليت الذي بيني وبينك عامر ........ وبيني وبين العالمين خراب

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,

الاااااااااااااااااااااامضاء

عذبة المشاعر

05-27-2009, 11:06 PM

ضاقت الدنيا و لا عندي كلام ...
.... يا هي صعبه .. ضيقة الشخص الكتوم

من يلوم .. ان صار باحساسه زحام
.... و السهر عيا عن احزانه يقوم

~حلا بني شهر~

05-27-2009, 11:31 PM

المشاعر في غيابك ذاب فيها كل صوووت
والليالي من عذابك عذبت فيني السكوت ..

عادل الراشد

05-28-2009, 06:09 PM

جلسـت البـارح ألحالـي لأنـك ماتكلمنـي ..

.. واشوف اهموم هالعالم تجي عندي واجمعهـا ..

.. حبيبي اعتذر مره وقول ارجـوك سامحنـي ..

.. وانا مثلك بعـد اسـف وهالزعلـه نضيعهـا ..

.. ترى مالي احد غيرك اذا انـت بتخاصمنـي ..

.. تطيح الدمعه من عيني ويجري غصب مدمعها ..

أبو فيصل

06-13-2009, 07:16 PM

ناس تفكر همهـم يسعدونـك
وناس تفكركيف تقـدر تبكيـك
لاتشتري من حاولوا يخسرونك
ولاتخسراللي فكربيوم يشريـك
مافيه أجمل من صديق يصونك
ولا فيه أقسى من قريب يعاديك
أكبرقهر لاصار نـاس يبونـك
وأنت تبيهم بس حظك لعب فيك

عادل الراشد

06-14-2009, 07:18 PM

الصيف قرب والسفر حان طاريه ,,,, الله يعين اللي يفارق حبيبه

رهف الرياض

06-16-2009, 08:19 PM

عادل الراشد

06-16-2009, 08:40 PM

خلك وسط قلبي .. لو يصير مايصير
كل الخلايق في وجودك .. ولا شي ..

أبو فيصل

06-29-2009, 01:09 PM

الوقت قاسي و الفتى يبقى على الشدة صبور
و أن ما غدا الرجــال ذيب يطيـح بأنيـاب الذيـاب

حتـى الصديــق الله وكيــلك صـار دمــه ما يفـور
و أنــا لقيت الأصدقـاء معظمهم أشبـه بالسراب

إبن سعيّد

06-29-2009, 10:52 PM

من بالموده ودلي مــرحبا به*****ومن لايود فـذلفة امـــقيط ورشــــاه

مالي لزوم في قرود الرفاقه *****ولا الله حداني ليا قسى وقتي انصاه

أبو فيصل

06-30-2009, 12:00 AM

حسبي من الهّم أنّ القلب ينتحبُ **** وإن بدا فرحي للناس و الطربُ
مسافرٌ في دروب الشوق تحرقني **** نار انتظاري ووجداني لها لهب
كأنني فارس لاسيفَ في يده **** والحرب دائرة والناس تضطرب
أو أنني ُمبحر تاهت سفينته **** والموج يلطم عينيها وينسحب
أو أنني سالكُ الصحراءِ أظَمأه **** قيظٌ ، وأوقفه عن سيره التعب
يمد عينيه للأفق البعيد فما **** يبدو له منقذ في الدرب أو سبب

عادل الراشد

06-30-2009, 02:30 PM

عيوني حزينه والسبب خاطري المضيوم
,,,,,,,,,,,,,,,,,,,,,,,,,,,,,,,,,,,,,,,,,,,

أبو فيصل

07-03-2009, 05:42 AM

تعبت أنزف جراحي حبر و أدور للألم أسباب

لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد كذاب

و أحد ما طال تجريحي و أحد عايش لزلاتي

عادل الراشد

07-04-2009, 04:23 AM

سرقني واحسب انه ماسرقني
,,,,,,,,,,,,,,,,,,,,,,,,,,,,,,,,,,,,, سرقني واحسب اني فاطن لله

أبو فيصل

07-08-2009, 02:37 AM

هم الأحبة إن جاءوا وإن عدلوا
فليس لي معدلٌ عنهم وإن عدلوا

عادل الراشد

07-08-2009, 02:47 AM

اقرب الناس انت ........ وابعد الناس انته ........... يانظر عيني

أبو فيصل

07-08-2009, 03:55 AM

كم قلت واحزنا للقلب بعدهم
وليس ينفعني إن قلت واحزنا
أحباب قلبي عسر من نحوكم خبر
لهائم يندب الأطلال الندمـــــا

عذبة المشاعر

07-08-2009, 07:11 AM

ياحسرة اللي ضاع وقته كتابات
ثم اكتشف ان البلاغه سكاتـه
الرابح اللي قالو الناس مامات
والخاسر اللي ميت في حياتـه

عادل الراشد

07-09-2009, 04:54 AM

انا مو ولهان انا ......... انا دنيا من الوله

محتاجك ابيك

عذبة المشاعر

07-09-2009, 07:23 AM

يآآ ’ ربّ ‘ ...
لآ منِّي ذگرتك و ’ صليت ‘ ..
وذگرت عفوگ وإنت لآ ضقت " عُوني " ..
ضحگت ..
ضحگـہ طفل لآهي / وسجِّيت ..!!
ماآهمنِّي ..
لو الجميع [ خذلوني ] ..!!

عادل الراشد

07-10-2009, 01:19 AM

بقى بعدك أمل وإحساس بإنك راجعه بعدين
ياليتك ماخذه حتى الأمل في ليله غيابـك

أحاسيس مختلفه

09-12-2009, 02:33 PM

.
.

حاولت أوسع خاطري بـ لعب الأطفال
............................... وكل ما سليت شوي ضاقت زياده

لو المشاكل حلها الدمع لا سال
..................................أستغفـر الله صار دمعـي عباده

.

أحاسيس مختلفه
http://ro7elb7r.jeeran.com/ثَغْرٍ%20الوٍُرٍٍدِ.gif

.

عادل الراشد

09-13-2009, 01:07 AM

لكل شـــيء إذا مآتم نقصـــان ،،،،،،،، فلا يغر بطيب العيش إنسان

هي الأمـور كما شاهدتها دول،،،،،،،، مـن زمن ســــاءته أزمــان

رهف الرياض

11-28-2009, 12:42 PM

مشروع ضيقة صدْر في ليلة العيد
ناقص سيولة للدمع والشكاوي ..!

عذبة المشاعر

12-27-2009, 11:29 PM

لآتخاف إلا من اللي تامنه يابن آدم ..
أشهد إنه مايجيب العيد فيك إلا هو !

عادل الراشد

02-20-2010, 02:10 PM

يا وليف الروح لو طال الغيابي
لا تظن انك عن الخاطر تغيب

العمريه

02-21-2010, 03:40 PM

اذا كان لي فيمن احب مشاركا

تركت قهرا وعشت وحيدا

مزون

03-23-2010, 05:08 PM

ياما ناديت بعالي الصوت ... لامن سمع ولا من جاوب نداي

~حلا بني شهر~

04-03-2010, 11:38 PM

:
.

كـــلـــها آيـــام ولــيـــالـــي وأحـــضـــن كـــفــــوفـــك يــــا غــــالي

علاوي

04-12-2010, 10:12 AM

..لي ثلاث ايام ما جاني خبر..! وعنا قلب المولع وعناااه وعنا قلب المولع وعنااه..

مزون

04-12-2010, 11:13 AM

إمسح الدمعة ترى ضعفك قـوي && أنهزم قـدام ضعفـك ياغـلاي

إمسح الدمعة بعمـري لوتبـي && عطني أحزانك وخذ مني هنـاي

إمسح الدمعة قبل تقضي علـي && دمعتك تغرق صباحي في مساي

لا تروع مثل روعـات الظبـي && روعتك ياروعة أيامـي بـلاي

كل ليـل مـع نهـارك ينجلـي && يابدايـات الهـوى يامنتهـاي

ياوطن قلبي وغربـة ناظـري && ياإحتياري..يا صوابي..يا خطاي

يابنات الفكر غنـي وإرقصـي && عند خلي وانشدي له من غناي

وسعي صدر الحبيب واطربـي && طربتي له كل مازعـزع هـواي

</b></i>

الراحــــــــله

04-14-2010, 05:13 AM

والله تعب
من هالتعب
هالناس ماتعرف تحب
هالناس ماتعرف تحب
هالناس ماتعرف تحب

مزون

04-15-2010, 01:37 AM

اخاوي اللي خوته ترفع الرأس ولا الردي يلقي خوي بدالي

~حلا بني شهر~

04-15-2010, 01:41 AM

غريبه حاله الدنيا ., غريبه لعبه الأحساس

كثر ماتصون لهم عهدك ., كثر ماهم يخونونك

علاوي

04-15-2010, 10:15 AM

مشتاق له ياناس مقدر أخليه..
الله يرحم حالتي في
بــعــا ا ا ا ده..!
*عيني* و *قلبي*
معها الروح تــغليــه..
حبــه بــقلبي فــارش له
وســا ا ا ا ده..!
لامـــر طيـــفه في خيـــالي وطـــاريه..
شفت الحـــياه أجـــــمل وزادت
ســعا ا ا ا ده..!